dignaremur. Super quibus eciam litteras quondam Domini Roberti Archiepiscopi - - Praedecessoris nostri, vetustate in parte corruptas, praesentauit, in quibus satis expresse videbatur, eandem decimam ipsius ecclesiae esse et fuisse perpetuam. Nos itaque in hoc non contenti, cum fratribus nostris de capitulo ecclesiae nostrae et aliorum discretorum virorum, nobiscum in dicta synodo existencium, decreuimus, ut a vicinis sacerdotibus ac a Jobagionibus et nobilibus Ecclesiae nostrae, specialiter a decimatoribus nostris - -, necnon a Johanne sacerdote de villa nostra Püspöky, item Stephano de Sancto Rege et Plebano Paulo de Putnik, - - sciscitaremur veritatem. E quorum assercionibus, cognita et habita veritate - -, eandem decimam dictae Ecclesiae fuisse; de consensu et consilio praedictorum fratrum nostrorum de Capitulo relinquimus perpetuo habendam et possidendam. - - Datum Strigonii tercia die dictae Synodi nostrae. - -
Fejér Cod. dipl. V. III. 325. Originales non invenimus. - Synodi huius decreta desiderantur.
190.
1286. 1. Jul. - Ladislaus IV., duas partes tributi Comaromiensis Monasterio de Bakonybél restituit, et executionem Lodomerio Archiepiscopo Strigon. committit.
Ladislaus, Dei gracia Rex Hungarie, Venerabili patri Lodomerio, per eandem Archiepiscopo Strigon., locique eiusdem Comiti perpetuo salutem et graciam plenam. Cum iuxta ordinacionem presentem, que vobis presentibus extitit celebrata, uniuersis priuilegijs sanctorum progenitorum nostrorum, sanctissimi uidelicet regis Stephani et beati regis Ladislai, necnon Regis Bele aui nostri, nobis per abbatem de Beel exhibitis, prout in eisdem comperimus, duas partes tributi portus et fori de Camarun Monasterio S. Mauricii de Beel restituerimus, ut decebat; paternitatem uestram mandantes requirimus per presentes, quatenus si Paulus et Nicolaus de Camarun quibus super premissis litteras nostras transmisimus per magistrum Lorandum fidelem nostrum, rebelles extiterint, nostrum mandatum contempnendo, vos contra eosdem procedatis, sicut expedit, ecclesiasticam per censuram. Datum in Erchy tercio die (Apostolorum Petri et Pauli, anno Domini M°. CC°. octuagesimo sexto.)
In parte aversa: Archiepiscopo Strigon. venerabili in xpo. patri. - Sig. deest. Orig. in Arch. Montis Pannoniae Capsa 55. lit. N. - Annus in orig. defuit, sed alia manus serius adiecit, ast unde hauserit emendator, non liquet. - Ed. Wenzel Cod. Arp. IV. 284.

---