euidentem vtilitatem propriam, prope(sic) causas ecclesie, abesse contingeret; per personas interpositas loco ipsorum faciat prepositus medio tempore in ecclesia deseruiri, de redditibus ipsorum eidem vicario in hoc tempore medio competenter prouisurus.
Quibus omnibus supradictis gestis et habitis, statim supradicte partes a nobis pecierunt, ut omnia premissa et singula premissorum, pro securitate parcium, actoritate (sic) nostra dignaremur solidare. Nos uero considerantes, predictorum parcium peticionem iuri fore consonam et congruam equitati, Presertim cum in predicta amicabilis composicionis ordinacione secundum ius, iusticiam et bonam terre consuetudinem, seruata equitate, per omnia sit processum; predictam inquam ordinacionem et amicabilem composicionem, habitam inter partes supradictas, lectam per venerabilem virum, dominum andream, decretorum doctorem, Prepositum Strigon., dilectum et fidelem Cancellarium nostrum, per omnia coram nobis, ad instanciam ipsarum parcium, presentis scripti patrocinio, ex certa nostra sciencia duximus roborandam. In cuius rei memoriam et perpetuam firmitatem presentes concessimus litteras, sigilli nostri autentici apensione communitas. Datum Strigonij per manus venerabilis viri, domini Andree, doctoris decretorum, prepositj Strigoniensis, dilecti et fidelis Canbellarij (sic) nostri. Anno domini Millesimo CC°. LXXX°. sexto. In octauis Purificacionis virginis gloriose.
Sigillum detritum, praelatum stantem, mitra et pedo ornatum, sinistra ad pectus reflexa exhibet. - Orig. humore maculatum in Arch. Cap. Scepus. priv. Scrin. 11. fasc. 2. Nr. 14. Aliud par, de quo sigillum iam decidit, in eodem Archivo asservatur non regestratum. Breviter extr. Fejér Cod. dipl. V. III. pag. 339.
189.
1286. 25. Apr. - Lodomerius Archiepiscopus, decimam Ecclesiae de Némethi in Sy nodo confirmat.
Lodomerius - -. Cum nos inuocata s. Spiritus gracia in festo s. Adalberti Mart. (23. Apr.) in Ecclesia nostra cathedrali vniuersis Abbatibus, Praepositis, Archi-Diaconis, Plebanis et quibuslibet Ecclesiarum Pastoribus, in Diocesi nostra constitutis Strigoniensi, ad informandam et erudiendam status clericorum (sic) s. Synodum celebrassemus, vbi vir nobilis Comes Michael, filius Nicolai de Nempti, - - supplicauit, quamdam decimam terrae ipsius et fratrum suorum, inter fluuios Sajó et Hangos, in vicinitate et commetaneitate Nobilium subditorum Ecclesiae nostrae Ledegeer et Nicolai filii Zereda, iacentem, ad Ecclesiam ipsorum - - in eadem Nempti fundatae, ab antiquo tempore pertinentem, iisdem perennaliter et Ecclesiae ipsorum confirmare

---