sollempniter fidem et remissionem et pactum, ulterius de predicto debito non petendo. Nos uero in circumspeccionis nostre consideracionem deducentes, quod predicta domina Regina, mater nostra karissima, tam sollempnem obligacionem tanti debiti sine dispendio salutis eterne, illotis manibus non poterat pertransire, Presertim, quia Curialitas et vrbanitas ipsius wenerabilis patris in simplici et absoluta resignacione iuris sui eidem et ecclesie nostre Strigon. nocere non debebat; in aliqualem recompensacionem satisfaccionis et solucionis, archiepiscopo et archiepiscopatui Strigon. per nos et predictam dominam Reginam, matrem nostram, exhibende, quandam terram nostram trium condicionariorum, Wduornicorum uidelicet, Castrensium, et agasonum Regalium, Zakalus uocatam, in comitatu kamarun inter fluuios Waag et Dudwag existentem, cum omnibus utilitatibus suis, pisscinis scilicet, pratis, fenetis, ac alijs pertinencijs vniuersis, pro debito quadringentarum marcarum, in quo seipsam pro nobis et nostris Baronibus ecclesie Strigon. et archiepiscopo obligaret, ut est dictum, sancte ecclesie Strigon., matri nostre, que nos per lauacrum baptismi in fide domino sociauit, cuius auctoritate inungimur, consecramur et coronamur et Regalis fastidij sacrum nostro Capiti imponitur dyadema, quam amplioris fauoris gracia prosequimur, ut debemus, tanquam cunctarum ecclesiarum Regni nostri matrem et magistram, necnon wenerabili patri Lodomerio dei gracia archiepiscopo Strigon. archiepiscopatui et per ipsum suis successoribus dedimus, contulimus et donauimus, cum omni plenitudine sui iuris, iure proprietatis et perpetui dominij, immutabiliter et inreuocabiliter possidendam, eo modo et ea plenitudine, ac sub eisdem metis et terminis, quemadmodum per ipsos condicionarios nostros dicta terra vniuersaliter et in toto habita extitit et possessa. Promittentes et assummentes liberaliter et libenter, quod archiepiscopum et archiepiscopatum Strigon. contra omnes, de iure, uel de facto molestare uolentes, et specialiter contra comitem de kamarun, qui nunc est et qui pro tempore fuerit, in iure et corporali possessione predicte terre indempniter conseruabimus pacifice semper et quiete. In cuius rei memoriam, perpetuamque firmitatem presentes concessimus, duplicis sigilli nostri munimine roboratas. DAtum per manus Wenerabilis patris Thome, dei gracia episcopi waciensis, aule nostre cancellarij, dilecti et fidelis nostri. Anno domini M°. CC°. octuagesimo quinto, XI. kalendas Septembris, Indicione vndecima. Regni autem nostri anno tredecimo.
Sigillum e rubro et viridi serico pendebat. Orig. in Arch. Prim. Sec. Lad. C. fasc. 1. Nro. 8. - Edidit erronee Fejér Cod. dipl. V. III. pag. 290. - Indictio male adnotatur, fuit enim hoc anno decima tercia.