paginam inspecturis, salutem in omnium saluatore. Quoniam bone rei dare consultum, et presentis habetur uite subsidium et eterne remuneracionis cernitur premium expectare; et quoniam gaudere et gloriari ex fide uolumus semper, scientes, magis religionibus et oracionibus, quam officijs et laboribus corporis, uel sudore nostram rem publicam contineri; presertim quid causetur Regale fastidium, ne meliora det, cui plurima deus dedit Habere, et multorum Dominum esse, et facile dare, et maxime in sanctissimis ecclesijs, in quibus optima mensura est inmensitas rerum, eisdem donatarum. Hinc est, quod cum serenissima domina maior Regina, domina Elysabeth, mater nostra karissima, pro nobis, Baronibus nostris atque suis, propter quedam dampna data et iniurias in persecucione, per predictos Barones nostros atque suos tempore coronacionis susscitata apud albam Regalem contra personam Wenerabilis patris domini Phylipy, bone memorie archiepiscopi Strigon., archiepiscopo et archiepiscopatui Strigon. perperam irrogatas, volens antedictos Barones nostros ab Honere satisfaccionis et obnoxietate debiti, sic contracti, de speciali gracia releuare; quadringentas marcas decime combustionis argenti, in certis terminis et obligacionibus limitatis, sciens, prudens et ydonea soluere assumpsisset et sub ydonea caucione et litteris patentibus autenticis, suo et Domini Ph. episcopi firmani, apostolice sedis legati, sigillis consignatis, Wenerabili patri domino Strigon. archiepiscopo, eiusdemque loci comiti perpetuo, pro tempore constituto, ad fabricam ecclesie Strigon. sancti Adalberty, firmiter promisisset. Tandem quia predicta domina Regina maior, mater nostra karissima post plures inducias, eidem ad soluendum predictum debitum per wenerabilem patrem Lodomerium archiepiscopum Strigon. assignatas, in solucione debiti memorati propter condicionem temporis impacati uidebatur agrauari, nec per solucionem pecunie numerate, consciencie sue, aliquantisper in hac parte sauciate, et saluti poterat commode prouidere; Attendens idem wenerabilis pater, fidelis noster, graciam ipsius domine Regine, karissime, matris nostre, et fauorem, quibus eundem Wenerabilem patrem, adhuc eciam in minoribus constitutum, et ecclesiam sanctam Strigon. fuit sepissime laudabiliter et clementissime prosecuta et eidem ecclesie Strigon. profuit semper et affuit in omnibus articulis oportunis et prodesse poterit in futurum, in prememorata solucione debiti uotis et uoluntatibus ipsius domine Regine, karissime matris nostre paternaliter occurrere et condesscendere cupiens, accepti beneficij non ignarus, se et ecclesiam suam, de uoluntate. consensu et aprobacione discretorum virorum, prepositi et Capituli Strigon., gracie eiusdem domine Regine, maioris simpliciter et de plano in omnibus et per omnia se commisit, renuncias omnibus obligacionibus, iuribus, accionibus, racionibus, instrumentis, litteris et priuilegijs, sibi et ecclesie sue competentibus et competituris de iure uel de facto, super memorati debiti quantitate, faciens