Péterffy nil aliud hic dicat, quam Praepositum hunc cum Thoma Episcopo Vaciensi, a. 1289. occiso, in Insula Budensi adfuisse.
182.
1285. 17. Aug. - Lodomerius Archiepiscopus decimas villarum Prasznócz, Bossán et Kerencs, ac quartas de Tapolcsán et Koros, Episcopo et Capitulo Nitriensi a praedecessoribus suis donatas, post praestitum eatenus iuramentum restituit.
Lodomerius, miseracione diuina archiepiscopus Strigon., locique eiusdem Comes perpetuus, vniuersis, presentes litteras inspecturis, Salutem in largitore salutis sempiternam. Quia consonum est Juri et consentaneum racioni, Vt ea. que examine Judicij, aut amicabili composicionis federe, vel alio modo legitimo fine terminantur, ne simul cum labentis temporis curriculo labantur, aut emula racionis obliuio hominum, que labilis est, euellat, litterarum testimonio roborentur. Proinde ad vniuersorum noticiam tenore presencium volumus peruenire, quod cum inter Buch sacerdotem de villa nostra Cheten, Chima de Zelews et Gebse de Nazwad, decimatores nostros de cultello nostro Nitriensi, ab vna parte, et venerabilem patrem pascasiuim, dei gracia Episcopum Nitriensem, ac Capitulum loci eiusdem, ab altera, questio verteretur super quartis ecclesiarum de Thapolchan, cuius matrix est ecclesia sancti Martini prope Nitriam de Sys et de korus, ac filiarum suarum, necnon et super decimis trium uillarum, scilicet preznulch, Bossan et kernewch, dicentibus ipsis decimatoribus nostris, quod ipsas decimas predictarum trium uillarum et quartas ecclesiarum antedictarum idem Episcopus et Capitulum suum indebite tollerent et perciperent, cum in decimacione nostra forent constituta. Ex aduerso vero per eundem dominum Episcopum et discretos viros, Stephanum archidiaconum de Trinchinio et domianum archidiaconum de Grodna, legitimos procuratores dicti Capituli Nitriensis, fuit taliter responsum et eciam alegatum, quod quartas predictarum ecclesiarum et filiarum earumdem, necnon et decimas trium uillarum antedictarum iuste et legitime percipiebant, quia predicte quarte ecclesiarum ex liberalitate et deuocione archiepiscoporum, predecessorum nostrorum, propter paupertatem eiusdem ecclesie Nitriensis et indigenciam ad luminaria et ornamenta, quibus ecclesia Nitriensis plurimum indigebat, ad oblacionem Episcopatus Nitriensis ecclesie, et eciam decime predictarum trium uillarum ipsi Capitulo Nitriensi intuitu pietatis in perpetuum date essent et donate. Super quibus litteras et priuilegia archiepiscoporum, predecessorum nostrorum, se habuisse dicebant, sed tempore Otacori (sic) regis Bohemorum et suorum insultus, quo ipsa ecclesia Nitriensis et tota Ciuitas lacrimabili incendio concremata fuerunt, amisissent. auditis itaque parcium