181.
1285. 14. Aug. - Ladislaus IV. transscribit et confirmat Nrum. 180.
Nos Ladislaus, dei gracia Rex Hungarie, memorie commendantes, significamus, quibus expedit, presencium per tenorem, Quod uenerabilibus patribus, Domino Lodomerio, dei gracia archiepiscopo Strigon., eiusdemque loci comite perpetuo, et Thoma, miseracione diuina Episcopo Waciensi, aule nostre cancellario, dilectis et fidelibus nostris, in nostri presencia personaliter constitutis, idem venerabilis pater Thomas, episcopus Waciensis, confessus est, se recepisse, habere et tenere a predicto venerabili patre, domino L., archiepiscopo Strigon., Curiam muratam et turrem lapideam archiepiscopatus Strigon., in superiori parte, siue fine insule beate uirginis, iuxta ueterem Budam, in medio Danubij constitutas, cum alijs edificijs, situatis ibidem, ad inhabitandum et manendum, ac defendendum in eis se et sua bona propter condicionem temporis impacati, per spacium octo annorum, a data presencium continue futurorum, sub modo et condicionibus certis, in litteris predicti venerabilis patris, archiepiscopi Strigon., inferius comprehensis, petens a nobis ipse Episcopus Waciensis, vt super huiusmodi sua confessione, seu recognicione, coram nobis facta per eundem, prefato archiepiscopo Strigon. nostras dare litteras dignaremur. Quarum quidem archiepiscopalium litterarum tenor talis est:
Sequitur Nrus. 180.
Nos uero ipsius episcopi Waciensis peticionem considerantes iuri consonam et congruam equitati, super contractu antedicto et recognicione ipsius presentes concessimus litteras, sigilli nostri munimine roboratas. Datum in Sarus in uigilia assumpcionis virginis gloriose, anno Domini M°. CC°. octuagesimo quinto.
In dorso vestigium sigilli appressi. Orig. in Arch. Prim. Sec. Lad. Q. fasc. 1. Nro. 17. - Edidit Fejér Cod. dipl. V. III. pag. 287. - E Nro. hoc et praecedenti, superficialiter lecto, Péterffy (Conc. I. 104.) et Fejér (Cod. dipl. V. III. 312.) sequentia adstruunt: Ladislaus IV. "Meminit illius, Philippi nempe Firmani, Legati, honorifice in literis, quibus possessionem Szakálos in Comitatu Comaromiensi, Lodomerii fundis adiecit a. 1285. Accedit, quod idem Philippus, desinente vere apud Lodomerium in geniali domo, quam iste in Insula Beatae Virginis iuxta Veterem Budam, magnificam aeque, ac quieti servituram excitaverat, dies plures consedisse legatur. Aderant convivae et negotiorum socii, quae ad emolumentum Ecclesiarum conferebantur, Thomas Episcopus Vaciensis, aulae Cancellarius, vir magnarum virtutum, a quodam magnate 1289. ex insidiis confossus, et Andreas Praepositus Capituli Strigon." Longe alia Nri. hi continent. Katona autem (Hist. Crit. VI. 989.) et alii (Horváth Magy. Tört. Pest 1860. I. 466.) haec Péterffy-i verba obiter legendo, etiam Andream Praepositum Strigon. occisum fuisse asserunt; cum tamen