sedula diligencia illud idem, ac in futurum nos cum eodem ad inuicem cum affectu et dulcedine amicicie et dileccionis sincere in consimilibus uel maioribus inspirante domino prosequemur; Curiam muratam et turrem Lapideam archiepiscopatus nostri, in superiori parte, siue fine insule beate uirginis iuxta ueterem Budam, in medio Danubij constitutas, cum alijs edificijs, situatis ibidem, de beniuola uoluntate, consensu et assensu, ac aprobacione discretorum virorum, karissimorum in domino Fratrum nostrorum, magistri videlicet Andree, doctoris decretorum, prepositi et Capituli ecclesie nostre Strigon., dedimus, commisimus et concessimus eidem domino Thome, episcopo Waciensi et non ecclesie, uel successori eiusdem, per spacium octo annorum, a concessione presencium continue futurorum, ad inhabitandum et manendum, ac defendendum in eis se et sua bona, propter maliciam temporis impacati et ad precauendum sibi et suis de dissensionibus, quc in partibus Vngarie uiguerunt et uigent non modice, mole peccaminum exigente; scilicet tum insultus tartarorum et Cumanorum, tum eciam Vngarorum siue Regnicolarum per prelia intestina; ita quod transactis predictis octo annis, Curia et turris predicte cum alijs suis edificijs ad nos et ad nostram ecclesiam, uel si de medio tolleremur, ad nostrum successorem pure, plane et sine aliqua contradiccione et obstaculo, simpliciter reuertentur; Cum huiusmodi concessio nostra personalis fuerit, non realis, uidelicet persone ipsius domini Thome episcopi esse et non eius successori, uel ecclesie constet facta, et si status noster per cursum illorum octo annorum aliqualiter forsitan mutaretur, nihilominus de parte successoris nostri per lapsum octo annorum hanc concessionem nostram ordinauimus firmiter et uolumus inuiolabiliter teneri in sui roboris serie perdurante. Si autem ipse dominus Thomas Episcopus pendente spacio eorumdem octo annorum ad alciora fuerit exaltatus, uel debitum ade exsoluerit diuino iudicio euocante; statim post eius exaltacionem, uel ingressionem vniuerse Carnis ad uiam, predicte Curia et turris cum alijs edificijs archiepiscopalibus, constitutis ibidem ad nos et ad nostrum successorem cum plenitudine sui iuris redibunt; ita tamen, quod pro melioracionibus, innouacionibus et reformacionibus, quas ipse dominus Thomas episcopus in premissis Curia, turre et domibus medio tempore fecerit cum suis expensis, nos et successor noster sibi, prout extimacioni et visui fuerint opera eius in premissis subiecta, de satisfaccione et recompensacione pecuniaria teneremur Respondere.
E Nro. 181., e quo apparet, literas has ante 14. Aug. exaratas fuisse. - Edidit Fejér Cod. dipl. V. III. pag. 288.