179.
1285. (post 28. Jun.) - Ladislaus IV. transsumit et confirmat Nrum. 178.
(L)Adizlaus, dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex, Omnibus xpi. fidelibus, presens scriptum inspecturis, salutem in omnium saluatore. Ad vniuersorum, tam presencium, quam futurorum, noticiam harum serie volumus peruenire, Quod frater Stephanus, prior ordinis Heremitarum sancti Agustini de claustro monasterij sancti Stanizlai de Sarus, ad nostram accedens presenciam, exhibuit nobis patentes litteras Laurencij, magistri Tawarnicorum nostrorum, dilecti et fidelis nostri, petens cum instancia, ut easdem ratas habere et nostro dignaremur priuilegio confirmare; quarum quidem tenor talis est:
Sequitur Nrus. 178.
Nos igitur ob caritatis affectum, quem circa fratres predicti ordinis animo desiderabili habemus, et quo ecclesias dei amplectimur, visa et inspecta necessitate ipsius ordinis, ne propter viuendi inopiam diuine Laudis organa in predicto monasterio suspendantur, eandem terram Scegekerthe, cum omnibus utilitatibus suis et pertinencijs vniuersis, iuxta tenorem litterarum magistri Laurencij, presentibus insertarum, predictis fratribus dedimus, donauimus et contulimus, iure perpetuo et inreuocabiliter possidendam. In cuius rei memoriam, perpetuamque firmitatem presentes concessimus litteras, sigilli nostri dupplicis munimine roboratas. Datum per manus venerabilis patris Thome, dei gracia Episcopi Vaciensis, aule nostre Cancellarij, dilecti et fidelis nostri. Anno domini M°. CC°. octuagesimo quinto; Regni autem nostri anno tredecimo.
Sigillum cum zona avulsum. Orig. in Arch. Cap. Strig. priv. Capsa August. Edidit Fejér Cod. dipl. V. III. pag. 294.
180.
(1285.) ante 14. Aug. - Lodomerius Archiepiscopus, Curiam muratam et turrim lapideam in insula Budensi, Margitsziget, Thomae Vaciensi Episcopo ad annos octo elocat.
Nos Lodomerius, dei gracia archiepiscopus Strigon., eiusdemque loci comes perpetuus, significamus, quibus expedit, presencium per tenorem, Quod nos ob prerogatiuam dileccionis fraterne et propter debitum specialis fauoris, quibus venerabilem patrem, dominum Thomam, episcopum Waciensem, dilectum in domino fratrem et socium, ac amicum nostrum karissimum, aule Regie Cancellarium, Caritatiue sumus in suis beneplacitis prosecuti et ipse e conuerso nobis in nostris opportunitatibus et agendis multipliciter fecit cum