consistentem, adiudicauimus diffinitiue procuratoribus ecclesie Budensis antedictis, quin pocius preposito et Capitulo sepefactis; et procuratores societatis nautarum predictorum et ipsos nautas vniuersos de Pest et de Yeneu, ut sepius dictum est, ad solucionem predicte tercie partis sine dolo, fraude, integraliter et sine diminucione, legaliter de cetero faciendam, et restitucionem hactenus subtractorum sentencialiter condempnamus; nautis memoratis super inpeticione prepositi et Capituli pro hac causa perpetuum silencium in hijs scriptis imponentes. In cuius rei memoriam presentes litteras concessimus, sigillo nostro communitas. Datum Strigonij Anno domini M°. CC°. LXXX°. quinto, feria quinta proxima post festum beati Barnabe apostoli.
Sigillum e flavo et rubro serico pendebat. Orig. in Arch. Cap. Poson. Capsa Budensis 1. fasc. 1. Nr. 5. - Ed. Katona Hist. Crit. VI. 919.; Fejér Cod. dipl. V. III. 299. - Confirmavit Ladislaus IV. Rex anno eodem Nonas (7.) Julii. Orig. ibidem Nro. 6. - Ed. Fejér ibid. pag. 285. - Tum Andreas III. Rex a. 1297. Pridie nonas (3.) Junij, qui nautas hos "carinarios et nauclerios de Portu Pestiensi" vocat. Orig. ibid. Nr. 11. Ed. Fejér ib. VI. II. 66.
178.
1285. 28. Jun. - Laurentius magister Tavernicorum Regalium e mandato Regis terram Szegekertjc Eremitis de Sáros assignat.
Nos Laurencius, magister Tawarnicorum domini Regis et comes de Sarus, memorie commendantes, significamus, quibus expedit, vniuersis, quod cum frater Stetephanus (sic) prior ordinis Heremitarum sancti agustini de claustro de Sarus, suo et fratrum suorum, in eodem claustro residencium, nomine ad presenciam domini Regis accedendo, fuisset conquestus, quod ijdem propter ipsorum inopiam comodum vivendi non habeant et quandam particulam terre. Scegekerthe vocatam, in comitatu de Sarus existentem, ob salutem anime eiusdem domini Regis et remedio, ac sanctorum progenitorum suorum, de benignitate Regia eisdem dare et conferre dignaretur, et quod dominus Rex, attendens eorumdem necessitatem et inopiam, eandem terram eisdem per nos precepisset asignari; Nos eandem cum omnibus utilitatibus suis et pertinencijs vniuersis. auctoritate eiusdem domini Regis, ipsis fratribus statuimus et asignauimus, sub eisdem metis et terminis, in quibus per ipsum Scege et alios possessores eiusdem limitata fuerat et possessa, de consensu omnium cometaneorum eiusdem et beneplacito, nullo eciam penitus contradictore existente. Datum in Sarus, in vigilia apostolorum Petri et Pauli, anno domini M°. CC°. octuagesimo quinto.
E Nro. 179. - Edidit Fejér Cod. dipl. V. III. pag. 294.

---