consistentem, a tempore, cuius non extat memoria, sine fraude et dolo integraliter et sine diminucione aliquali officialibus, siue Tributarijs ecclesie Budensis, recipientibus nomine prepositi et Capituli, pacifice hactenus persoluissent, ut tenentur; assumpto nunc spiritu rebellionis et superbie, cum multe diuicie, in presenti persecucione Tartarorum acquisite, eos faciant insanire, In dei uiuentis offensam intolerabilem, dampnum et grauem iniuriam ecclesie Budensis eis dare et soluere predictam terciam partem nauli siue Tributi indebite et iniuste contradicunt. super quibus omnibus litteris composicionalibus comitis Walteri, quondam Rectoris Castri Budensis et duodecim Juratorum eiusdem Ciuitatis, nec non priuilegio confirmacionis domini nostri Ladislai, dei gracia illustris Regis Hungarie, predictam composicionem ex certa sciencia roborantis, se fore munitos et wallatos allegarunt; Supplicantes nobis, vt nautas supra dictos ad solucionem predicte tercie partis Tributi siue nauli, in quibuscunque rebus consistentis, per calculum diffinitiue sentencie condempnare deberemus. Lite igitur in predicta causa inter procuratores parcium sollempniter contestata, auditis iuribus, racionibus et allegacionibus, uisis nichilominus litteris, priuilegijs et munimentis eorumdem et eisdem in circumspeccionis nostre consideracionem deductis; quia inuenimus in litteris composicionalibus comitis Walteri, quondam Rectoris Castri Budensis et duodecim Juratorum, ex certa sciencia et noticia domini nostri Regis, per suum priuilegium specialiter confirmatis, euidenter contineri, quod olim inter partes predictas tam super Tributo nauli, quod consueuerant soluere naute de naulo suo, quam super Tributo salium materia questionis susscitata, ipsis Nautis delatum fuit iusiurandum, quod nullum dampnum, uel fraudem fecerint ecclesie Budensi super iuribus suis antedictis, partibus in die et loco iuramenti constitutis, remisso per magistrum A., tunc Lectorem ecclesie Budensis, bone memorie, procuratore huius cause, iuramento nautarum predictorum, prenominati naute, qui iurare debebant, assumpserunt firmiter nomine suo et nomine omnium nautorum, sociorum suorum, scientes, prudentes et ydonei, liberaliter et libenter, quod terciam partem nauli de omnibus illis rebus, in quibus ipsi naulum recipiebant, integraliter et sine diminucione aliquali, sicut tenebantur, soluerent officialibus, siue Tributarijs ecclesie Budensis. Idem eciam de Tributo Salium assumpserunt; in priuilegijs eciam confirmacionis domini regis, ex certa sciencia procedentibus, inter cetera hoc adiectum reperimus. Volentes, ut per nautas eosdem nullum de cetero ecclesie Budensi ualeat preiudicium generali (sic), sed prenotatam terciam partem nauli tam in denarijs, quam in alijs rebus quibuscunque ipsa Budensis ecclesia iuxta formam prenominate composicionis perpetuo pacifice possideat et quiete: Nos de consilio seniorum ecclesie nostre, iurisperitorum, nobis assidencium, terciam partem nauli, siue Tributi sepedictam, in denarijs, in salihus, siue in alijs rebus quibuscumque

---