proposicionibus, visum est nobis et fratribus nostris, quod idem Episcopus et Capitulum suum asserciones suas testibus ydoneis et instrumentis, si que haberent, legitime comprobarent; qui termino assignato, intencionem sue assercionis per sacerdotes seniores et decimatores nostros antiquos fide dignos plene per omnia iuxta premissa euidenter comprobarunt et priuilegium confirmacionis Lucij pape super decimis predictarum uillarum ad pleniorem fidem probacionis nobis presentarunt.[367] Verum quoniam idem priuilegium, quia originale non apparebat, plenam nobis fidem non faciebat; ipsi domino Episcopo et quatuor de suo Capitulo, videlicet Stephano de Trinchinio, domiano de Gradna archidiaconis, procuratoribus predictis et Petro, ac desiderio Canonicis ecclesie Nitriensis, cum certo numero testium inductorum, Juramentum Judicialiter duximus indicendum. Qui in die prestandi Juramenti secundum formam Canonicam, ac eis inpositam, secundum alegacionem et assercionem ipsorum iuxta premissa per omnia dictum prestiterunt sacramentum cum numero testium predictorum; Vnde, quia tocius controuersie finis est iuramentum et pro ueritate accipitur, quod iuratur; quia clare et euidenter premissa probauerunt et Jurauerunt super eisdem: ipsas quartas ecclesiarum predictarum, videlicet de Thapolchan, cuius matrix est ecclesia sancti Martini prope Nitriam, de Sys et de korus et filiarum suarum, ad collacionem Episcopatus Nitriensis, pro usu eiusdem ecclesie ad luminaria et ornamenta, et ipsas decimas predictarum trium uillarum, videlicet Preznulch, Bossan et kernewch, ad Capitulum Nitriense in perpetuum et irreuocabiliter, sentencialiter vna cum Capitulo nostro decernimus pertmere et in perpetuum robur et firmitatem sempiternam presens priuilegium nostrum eisdem damus, sigillo nostro autentici communitum. Datum per manus venerabilis viri, magistri andree, doctoris decretorum, prepositi ecclesie nostre Strigon., Cancellarij nostri karissimi, anno Domini Mmo. ducentesimo octogesimo quinto, tercio die assumpcionis virginis gloriose.
E transsumpto Capituli Strigon. a. 1313. 10. Jun. - Edidit erronee Fejér Cod. dipl. V. III. 296.
183.
1285. 21. Aug. - Conventus de Bozók, terram suam Szebeléb pro tercentis capetiis decimarum Capitulo Strigon. cedit, coram Conventu Cruciferorum Strigon.
Frater Nicolaus magister et Conuentus Cruciferorum domus hospitalis ecclesie sancti Regis Stephani de Strigonyo, Omnibus xpi. fidelibus, presentem

[367] Vide ad a. 1313. 10. Jun.