predictarum nostro Sigillo dari fecimus communitas. Datum Strigonij, anno domini M°. CC°. LXXXV-to, vicesimo secundo die Pasce.
Sig. e zona memb. pendebat. Orig. in Arch. Cap. Strig. priv. Lad. 27. fasc. 1. Nr. 4. - Extr. Fejér Cod. dipl. V. III. 313. - Ed. Cod. Strig. II. 149. et Wenzel Cod. Arp. IX. 429.
176.
1285. 17. Apr. - Comes Mikó, de genere Széch, medietatem terrae suae Hetény pro 50 marcis argenti vendit Comiti Mauritio, Officiali Lodomerii Archiepiscopi, coram Capitulo Strigon.
Vniuersis, presentes litteras inspecturis, Magister Andreas, doctor decretorum, prepositus et Capitulum ecclesie Strigon. salutem in domino sempiternam. Ad vniuersorum noticiam tenore presencium volumus peruenire, Quod nobilis vir comes Mykou, filius Mykonis de genere Scheech, ad presenciam nostram accedens, medietatem tocius terre sue Hetyn vocate, existentis in comitatu de Kumarun; videlicet dimidiam partem duarum porcionum, quarum in vna est ecclesia beate Marie virginis ad honorem, et altera existit a parte Septemtrionis, inter quas iacet terra Pauli, generi discreti viri magistri Sixti ecclesie nostre lectoris, domini pape Capellani et archidiaconi de Kumarun in ecclesia Jauriensi, nobili viro comiti Mauricio officiali venerabilis patris domini nostri, domini Lodomerij, dei gracia Strigon. archiepiscopi et comitis perpetui loci eiusdem, karissimo socero suo, coram nobis eciam personaliter constituto, et eius posteritatibus se confessus est vendidisse et donasse, iure perpetuo pacifice possidendam, pariter cum dimidietate vtilitatum totalis terre predicte; videlicet tum ob prorogatam dileccionem karissime consanguineitatis, inter eos contracte, tum eciam pro quinquaginta marcis argenti, ex parte eiusdem comitis Mauricij eidem comiti Mykoni ad plenum solutis, constituente eodem comite Mykone ipsum comitem Mauricium et suos Heredes ac successores, predicte dimidie partis, sev medietatis duarum porcionum terre et suarum vtilitatum cum effectu ueros et legitimos possessores. in eorum ius et proprietatem, ac perpetuum dominium predictam medietatem duarum porcionum terre et suas vtilitates statuendo inuariabiliter, ac perpetualiter assignando. Insuper idem comes Mykou tria priuilegia domini Bele Regis quarti et unum priuilegium domine Marie Regine, Consortis eiusdem, felicium recordacionum, et singula Priuilegia domine Elisabeth Regine, Consortis domini Stephani Regis quinti, bone memorie, et domint Ladislai Regis tercij eorum filij, nunc regnantis, necnon Priuilegium magistri Mathei, filij magistri Mathei de genere Chaak, clare memorie, et Priuilegium ecclesie nostre, ac Priuilegium