Cruciferorum sancti Regis Stephani de Strigonio, ad faciendam ratihabicionem et maiorem fidem Super hoc negocio presentauit; quibus perlectis, in eisdem conspeximus contineri, Quod prefatus Dominus Bela Rex quartus terras agasonum et Preconum suorum et Castrorum de Banya et de Kumarun, in predicta terra Hetyn existentes, prefato magistro Sixto de ... (do)nauerit pro suis obsequijs meritorijs et meritis obsequiosis, habendas perhemniter et tenendas, Confirmaueritque collacionem eiusdem Domine Marie Regine, karissime sue vxoris, de facto terre Reginalis, in territorio de Hetyn constitute, que per eandem Dominam Mariam Reginam eidem magistro Sixto eciam est donata, et ipsa domina Elisabeth Regina Huiusmodi donacionem eiusdem domine Marie, dilecte socrus sue, ratificauerit et approbauerit gratificando; necnon dominus Rex Ladislaus prefatus confirmauerit omnia et singula premissorum; et ipse magister Matheus predictam terram Castri de Kumarun ab ipso comite Mykone voluisset auferre, visisque Priuilegijs eiusdem domini Regis Bele et domine Marie Regine, in quibus haberi inuenit, quod predictas terras populorum de Hetyn ipse magister Sixtus, ex parte regia et reginali sibi donatas et datas, eidem comiti Myconi pro Septuaginta marcis argenti vendiderit in perpetuum possidendas, et ideo ipse magister Matheus predictam terram Castri de Kumarun ipsi comiti Myconi reliquerit pacifice possidendam. Preterea in Priuilegio nostro vidimus comprehendi, quod prefatus dominus noster venerabilis pater Lodomerius archiepiscopus terrulam suam, in territorio de Hetyn constitutam, eidem comiti Mykoni dederit iure perpetuo possidendam, in permutacione et concambio terrarum de ffedemes et de Zeuleus. Per Priuilegium autem predictorum Cruciferorum sancti Regis Stephani de Strigonio extitit declaratum, quod preter illas terras populorum de Hetyn eidem comiti Myconi, karissimo cognato et vicino suo, ipse magister Sixtus de terra sua Hereditaria terram donauerit ad vsum, sev quantitatem culture quatuor aratrorum, in qua quidem terra Hetyn Castrum de Kumarun ad quatuor aratra terram habebat, agasones vero ad octo aratra, precones ad sex aratra, et reginales populi ad tria aratra terras tenebant, preter terram Castri de Banya, que mixtim et pro indiuiso possidebantur per eos; sicut omnia et singula premissorum in predictis Priuilegijs regalibus didicimus et recollegimus seriatim. Ceterum ipse comes Mycou specialis dileccionis in signum et Huius contractus ob certitudinem pleniorem, assumpsit et ad hoc se libenter et liberaliter obligauit, vt tam ipse comes Mycou, quam eciam sue posteritates future, eundem comitem Mauricium et suos heredes, heredumque suorum successores in perpetua possessione et pacifica tenuta predicte medietatis terre et suarum vtilitatum, sine dampno, perpetualiter conseruabunt et expedient eos ab omnibus questionibus, racione earumdem motis, vllo umquam tempore suis laboribus et expensis. In cuius rey firmitatem et memoriam