expedicionibus et agendis fideliter et deuote seruiuit," terram cocorum Reginalium, Barlag vocatam, in Comitatu Vesprimiensi sitam, confert.
Cod. dipl. patr. IV. 66. - Hic comes Mauritius tardius Officialis fuit Lodomerii Archiepiscopi. Vide Nros. 240., 241., 258. et 291.
169.
1284. - Plures Episcopi ecclesiae fratrum Praedicatorum Strigon. indulgentias concedunt.
VNiuersis xpi. fidelibus, presentes litteras inspecturis, Permissione diuina Guillermus Corinthiensis, Raynaldus Messanensis, Petrus Arborensis Archiepiscopi; Petrus Haiocensis, Vincencius Portugalensis, Herricus Saxenas, Bernardus Humanas, Symeon Balneoregensis, Tholomeus Sardanensis, Acerus Wexionensis, Andreas Asloensis, Obertus Clusiensis, Guido Papiensis, Geuahardus Brandburgensis, Fredolus Ouetensis, Robertus Rosensis, Fredericus Senogaliensis, Orlandus Spoletanus, Paulus Tripolitanus, Bartholomeus Anteradensis, Bernardus Perusinus et Bonus Johannes Esculanus Episcopi - - ut Ecclesia fratrum predicatorum In Ciuitate Strigon. congruis honoribus frequentetur; Omnibus uere penitentibus et confessis, qui ad Ecclesiam ipsam in festis subscriptis; videlicet In die (dedica)cionis et In anniuersario eiusdem, In festo beati Petri Martiris, In festis sanctorum confessorum ... Dominici et Martini, (In festo sancte) Katerine Virginis et Martiris et ... Octauas omnium sollemnitatum predictarum, causa deuocionis accesserint, uel manum (por)rexerint adiutricem, - - - Singuli singulas quadragenas annis singulis de iniuncta sibi penitencia, dummodo consensus Diocesani accesserit, misericorditer relaxamus.- - - Datum apud Vrbem ueterem. Anno Domini Millesimo ducentesimo LXXXIIII°. Pontificatus domini Martini pape quarti Anno quarto.
Sigilla e filis cannabeis albi, rubri et caerulei coloris pendebant, quinque fragmenta cerae rubrae impressa supersunt. Orig. literis magnis et initialibus, rubro et caeruleo colore distinctis, exaratum, iam lacerum est et exesum, in Arch. Cap. Strigon. priv. Lad. 44. fasc. 5. Nr. 10. - Ed. Cod. Strig. II. pag. 148. et Wenzel Cod. Arp. IX. 402.