suo et fratrum suorum predictorum, agens de bona fide, certo certior de consciencia rei aliene, in nostri presencia publice recognouit, quod predicta terra seu possessio, Bylle vocata, cum molendinis, locis piscaturarum, ac alijs vtilitatibus et pertinencijs vniuersis, secundum metas et limitaciones antiquas, in Comitatu antedicto constituta, tum racione testamenti nobilis viri quondam Mathei Palatini, tum ex collacione Regie maiestatis cum approbacione predicti testamenti et confirmacione eiusdem domini Regis per scripta autentica postmodum subsecuta, debent iure dominij et proprietatis ad archiepiscopum et archiepiscopatum Strigon. perpetuo et irreuocabiliter pertinere; protestando sollempniter se et fratres suos nichil iuris optinere uel habere in possessione memorata, quam villam, terram, siue possessionem per solam facti potenciam iniuriose detentam ab ipsis usque modo, cum beneficio iuris Communis uel specialis alicuius minime iuuarentur; in manus predicti venerabilis viri magistri andree prepositi Strigon., vice et nomine eiusdem venerabilis patris recipientis, sciens, prudens et ydoneus, nomine suo et fratrum suorum prefatorum, spontanea voluntate, pure, simpliciter et de plano resignauit liberaliter et libenter; et licet fateretur se et fratres suos nullo iuris beneficio adiuuari, ad uberiorem tamen cautelam renunciauit omnibus iuribus, racionibus, munimentis, litteris, instrumentis priuilegijs Regalibus et alijs quibuscunque, si qua eidem Johanni bano et fratribus suis prenotatis competerent, uel quouis iuris quesito colore, siue velamento competere viderentur; Ita quod de cetero nec in iudicis (sic), nec extra iudicium super antedicta possessione contra venerabilem patrem et sanctam ecclesiam Strigon., matrem Regni, eisdem uti liceat de iure, uel de facto, sed ubicumque fuerint exhibita, allegata, uel quolibet ingenio in publicam peticionem (?) deducta. sint omnino cassa, vana, irrita et prorsus uiribus vacuata. Specialiter hoc adiecto, quod si processu temporis prefati fratres Johannis bani, Paulus et Nicolaus, contra archiepiscopum et archiepiscopatum Strigon. de solo facto, cum iure non possint, super possessione memorata susscitauerint, uel mouere attemptauerint nomine suo materiam questionis, ipse Johannes banus archiepiscopum et ecclesiam Strigon. sub ypoteca et obligacione omnium bonorum suorum defendere et expedire tenebitur suis proprijs laboribus et expensis. predictus uero venerabilis vir magister Andreas, prepositus Strigon.; de speciali mandato eiusdem domini archiepiscopi, pure, simpliciter et absolute, nulla paccione precedente, nec in concambium dicte terre, Bylle vocate; sed ex sola paterne dulcedinis pietate et fonte exuberantis misericordie, que superexaltare iudicium consueuit, cum de iure posset licite retinere, ad peticionem presertim et instanciam multorum nobilium, terram et possessionem quondam ipsorum originariam et hereditariam, Fedemus nuncupatam, in Comitatu Nytriensi existentem, pro centum marcis pro quibusdam dampnis datis et offensis, in diuinam iniuriam