maiestatem, tam circa donaciones siue largiciones possessionum seu terrarum, quam circa collacionem libertatum et beneficia exempcionum ecclesjis maxime et ecclesiarum populis, perpetua debeant firmitate inniti; nos priuilegia domini nostri Regis per discretum uirum magistrum N. prepositum Poson. nobis exhibita, in quibus populi prepositure et ecclesie ipsius Poson. a iurisdiccione, subieccione, potestate et iudicio comitis Poson. et eorum officialium, necnon ab omni honere collectarum exempti de gracia Regia dinoscuntur, prona fidelitate et fideli promptitudine honorantes, uolentesque ordinacionibus regijs ex nostre uotiue fidelitatis debito obsequi et parere, dictos populos prefate prepositure et ecclesie Poson, vti premisimus et gaudere concessimus concessa eis et indulta per Regiam celsitudinem circa premissos graciarum articulos libertate, liberantes eosdem et absoluentes a nostra et nostrorum officialium iudiciaria potestate. Mandantes et iniungentes vobis nostris officialibus et collectoribus vniuersis, et specialiter conseruatori castri et curiali comiti Poson., ac comiti hospitum castri firmiter et districte, ne aliquis vestrum ad populos sepedicte prepositure et ecclesie Poson. citandi, uel iudicandi, aut collectam exigendi, seu exaccionem aliquam faciendi, uel aliquod honus imponendi occasione presumat extendere manus suas, aut in eis ius sibi aliquod, uel iurisdiccionem aliquam quocunque ingenio uendicare; alioquin poteritis nostre indignacionis uindictam non inmerito formidare. Datum Posonij in octauis apostolorum Petri et Pauli, Anno domini M°. CC°. LXXX°. quarto.
Sigillum tergo fuit appressum. Orig. in Arch. Cap. Poson. priv. Capsa B. fasc. 2. Nr. 7. - Ed. Wenzel Cod. Arpad. IV. 267.
162
1284. 9. Aug. - Joannes banus possessionem Bille, iniuste occupatam, restituit Archiepiscopo Strigon., qui e converso possessionem Födémes, ratione damnorum centum marcarum Archiepiscopatui adiudicatam, eidem una cum centum marcis remittit coram Cruciferis Strigon.
Nos magister D. et Conuentus Cruciferorum domus hospitalis sancti Stephani Regis de Strigonio, Memorie commendantes, significamus vniuersis litterarum presencium per tenorem, Quod discreto viro magistro Andrea, Doctore decretorum, preposito Strigon. ecclesie et Cancellario uenerabilis patris domini Lodomerij, dei gracia archiepiscopi Strigon., vice, nomine et de speciali mandato eiusdem venerabilis patris, ex una parte; Johanne bano, filio Pauli, nomine suo, ac uice et nomine fratrum suorum, Pauli videlicet et Nycolai, ex altera; super questionum articulis, super terra seu possessione, Byllee vocata, in Comitatu de Kamarun existenti, inter partes predictas susscitatis, coram nobis personaliter constitutis; idem Johannes banus nomine