iobagionatu castri nostri de Camarun per omnia eximentes, in numerum et cetum seruientum (sic) nostrorum Regalium ex benignitate Regia duximus transferendos, volentes eosdem et eorum in futurum heredes, ac possessiones vniuersas, hereditarias videlicet, empticias, acquisitas, vel quocumque alio titulo possessas per eosdem, a iurisdicione et iudicio predicti castri de Camarun esse expeditos, penitus exemptos; Ita ut ijdem de cetero et eorum heredes cum ceteris Regni nostri nobilibus sub uexillo Regio valeant militare. et idem Comes Stephanus, ac sui cognati prenotati sencientes dulcedinem sacrosancte Strigoniensis ecclesie, matris nostre, et considerantes prerogatiuam libertatis eiusdem ecclesie, videntes eciam in hoc tempore impacato a malefactorum insultibus propria virtute se non posse defensare: a nostra maiestate humiliter postularunt, ut de nostra licencia, consensu, voluntate et approbacione, se cum suis terris, possessionibus hereditarijs, empticijs, acquisitis et quolibet titulo possessis per eosdem, litteris, privilegijs personalibus et realibus, libertatibus, iuribus, racionibus, et instrumentis, in numerum et cetum nobilium iobagionum ecclesie nostre Strigoniensis haberent transferendi facultatem. Nos igitur peticiones eiusdem Comitis Stephani, filij fulkus, et cognatorum suorum predictorum considerantes esse iustas, iuri consonas et congruas equitati, peticionibus eorum fauorabiliter inclinati, de gracie nostre plenitudine duximus annuendum et pariter concedendum, vt comes Stephanus et cognati sui sepedicti cum suis terris et possessionibus vniuersis, litteris, priuilegijs personalibus et realibus, iuribus, racionibus et instrumentis se transferant in cetum nobilium iobagionum Strigoniensis ecclesie supradicte et eisdem libertatibus, priuilegijs personalibus et realibus vtantur, gaudeant et fruantur, quibus nobiles iobagiones Strigoniensis ecclesie vtuntur, gaudent et fruuntur, et eadem seruicia archiepiscopo Strigon., qui pro tempore fuerit, impendant et exerceant, que alij nobiles iobagiones ecclesie Strigon. faciunt, inpendunt et exercent. In cuius rei memoriam et perpetuam firmitatem presentes concessimus litteras, sigilli nostri munimine roboratas. Datum in varkun sexta feria proxima ante Dominicam Oculi mei. Anno domini M°. C°C°. LXXX°. quarto.
E Nro. 173. - Ed. Cod. Strigon. I. 84.
158.
1284. 3. Apr. - Comes Benedictus, foenetum de terra Munkad Eremitis S. Annae de Strigonio donat coram Capitulo Strigon.
A. B. C.
Uniuersis, presentes litteras inspecturis, Capitulum Strigon. ecclesie salutem in domino. Nouerint vniuersi, presentes pariter et futuri, Quod comes