Strigon., bone memorie, racione decimarum, per eum non solutarum, archiepiscopatui Strigon. assignarat, concurrente consilio et consensu Discretorum virorum, magistri Andree, doctoris Decretorum, Prepositi et Capituli ecclesie sue Strigon., cum ex aliena iacture ecclesia dotari non debeat, confessus est eisdem filijs Johannis restituisse et resignasse liberaliter et libenter, possidendam perpetuo et irreuocabiliter, pacifice et quiete; que quidem Medietas, ipsis filijs Johannis resignata, iacet ab Oriente, Alia vero Medietas, quam idem venerabilis pater pro se et archiepiscopatu Strigon. reseruauit, ab Occidente, et distinguntur ab invicem per has metas: Prima siquidem meta incipit in loco fori Geyse Regis, vbi sunt erecte due noue mete iuxta metas antiquas. Inde tendit directe versus Meridiem ad Danobium, vbi sunt due noue mete in quadam Insula, Zeg vocata, per quas eciam metas diuiditur et separatur ab invicem Pyscatura vsonum memorata; assumpmentibus et obligantibus se insuper partibus super facto predicte Pyscature, seu terre vmquam vllo tempore contra invicem reciprocam mouere questionem. In cuius Rey testimonium ad peticionem parcium presentes concessimus litteras, sigilli nostri munimine roboratas. Datum et actum anno domini Millesimo CC°. Octuagesimo quarto. Quinto kalendas Marcij.
Sigillum e rubro et flavo serico pendebat. Orig. in Arch. Prim. Sec. Lad. Q. fasc. 1. Nro. 16. - Edidit Fejér Cod. dipl. V. III. pag. 268.
157.
1284. 10. Mart. - Ladislaus IV. quosdam Castrenses de villa Pócs, ob bellicam fortitudinem nobilitatos, ad petitionem eorum in coetum Nobilium Jobagionum Ecclesiae Strigon. transfert.
Nos Ladizlaus, dei gracia Rex Hungarie, Significamus vniuersis presencium per tenorem, quod Stephanus, filius fulkus, Iacobus, filius Symeonis. Petrus, filius Botyz, et Moyus filius vogus, ac eorum proximi de villa Pooch, presentauerunt nobis litteras nostras priuilegiales, in quibus vidimus contineri, quod nos eundem Stephanum et prenominatos cognatos eius, cum suis proximis et heredibus, heredumque successoribus, pro suis seruicijs nobis et progenitoribus nostris fideliter inpensis semper et vbique, et specialiter ob respectum famulatum (sic) eorum in conflictu nostro, quem contra Regem Boemorum habuimus, in quo idem Rex Boemorum ex hoc migrauit seculo, cum sumpmo fidelitatis studio exhibitorum, vbi Valentinus et artholfus fratres predicti Comitis Stephani, purpureo vestiti cruore, fidelitatis sue indicia cum animarum suarum exalacione, cum aduersa dimicantes acie, finierunt; necnon ad instanciam et instantem peticionem fidelium baronum nostrorum, de iobagionatu