et specialiter de Wyenna, uel eciam vndecunque per terram, uel per aquam in Hungariam cum suis mercibus descendentes, ab altera, exorta fuisset materia questionis super eo, quod ijdem mercatores de frugibus, videlicet de frumento, Syligine, ordeo et auena, pisis, fabis, leguminibus, rapis et de alijs mercimonialibus rebus suis minutis, predictis fratribus nostris tributum soluere contendebant; Tandem nos Huiusmodi questionibus inter ipsas partes finem imponere cupientes, iuramento quorumdam Ciuium Strigoniensium, qui super solucione et prestacione tributi ex diuturnitate temporis cognouerunt omnimodam ueritatem, hoc negocium duximus committendum et ijdem demum nobis apperuerunt sub religione iuris iurandi, vt dicti mercatores de omnibus mercibus suis tributum dare deberent, iuxta morem et consuetudinem aliorum; unde nos decreuimus, sentencialiter statuentes, quod omnes mercatores, sicut prediximus, in Hungariam uenientes, de omnibus mercibus suis et rebus alijs mercimonialibus, cuiuscunque generis, maneriei (sic), uel speciei existant, predictis fratribus nostris iustum tributum et consuetum sine contradiccione in perpetuum soluere teneantur. In cuius rei memoriam et perpetuam firmitatem presentes litteras nostro Sigillo dari fecimus communitas. Datum Strigonij anno domini M°. CC°. LXXXIIII. in dominica esto mihi.
Sig. e zona membr. pendebat. Orig. in Arch. Cap. Strig. priv. Lad. 24. fasc. 1. Nro. 6. - Extr. Fejér Cod. dipl. V. III. 262. - Ed. Cod. Strig. II. 143.; Wenzel Cod. Arp. IX. 398.
156.
1284. 25. Febr. - Lodomerius Archiepiscopus Strigon. terrae Zeg, a Joanne de Lél ob non solutas decimas cessae, medietatem pupillis eiusdem restituit coram Cruciferis Strigon.
A. B. C.
Frater Dominicus Magister domus hospitalis sancti Stephani Regis de Strigonio, eiusdemque loci totus Conuentus Omnibus xpi. fidelibus, presentes litteras inspecturis, salutem in domino. Ad vniuersitatis vestre noticiam tenore presencium volumus peruenire, Quod venerabili patre, domino Lodomerio, dei gracia archicpiscopo Strigon., ex una parte; et Laurencio, filio Johannis de Leel, pro se et pro fratribus suis, ex altera, coram nobis personaliter constitutis; idem venerabilis pater compaciens nobilitati, seu Pupillarie etati eorumdem filiorum Johannis de Leel, Medietatem Pyscature et terre ipsorum filiorum Johannis, Zeg vocate, contigue terre Leel, quas idem Johannes, pater eorum, tempore venerabilis patris, domini Phylippi, dei gracia archiepiscopi