eiusdem Capituli consignatas, Super facto eiusdem terre Priba olim confectas, homini ipsius Strigon. Capituli assignauit. Quarum tenorem ad uberiorem cautelam de uerbo ad uerbum, sine addimento et diminuncione presentibus inserendum duximus, qui est talis:
Nos Capitulum Nitriensis ecclesie damus pro memoria, quod constituti coram nobis Mychael, comes de Zolum, ex una parte; comes Dyonisius, filius Beke, ex altera, idem comes Michael proponendo asseruit, quandam terram, Priba uocatam, pro octoginta marcis argenti a comite Budou, filio alexandri, per modum impignoracionis sibi deuenisse, quam quidam riuulus, Dobracha nominatus, in partes equales diuidit, ut dicebat, cuius terre medietatem, in qua ecclesia sancti Pauli est sita, uersus partem occidentalem, propter fauorem vicinitatis et commetaneitatis, predicto comiti Dyonisio pro quadraginta marcis argenti, ab eodem plenarie acceptis, se retulit statuisse et huius rei seriem sic ... idem comes Dyonisius affirmauit. Hoc insuper adiectum est, quod si dicta terra eidem comiti Michaeli perpetuaretur, nominata medietas terre (pro) ipsis quadraginta marcis prefato comiti Dyonisio remanebit perpetuo possidenda. Si vero dicta terra ab eodem comite Michaele redim(eretur, idem) comes Michael dicto Dyonisio suas quad(raginta) marcas refundere tenebitur, occasione qualibet non obstante Datum in quindenis natiuitatis beate virginis (22. Sept.) anno domini M°. C°C°. LX. quinto.
Vt igitur donacionem premissam (sic) robur optineat perpetue firmitatis, nec processu temporis possit per quempiam hominum irritari, ad peticionem et instanciam eiusdem Beke, filij comitis Dyonisij, presentes nostro Sigillo dedimus communitas. Datum anno domini M°. CC°°. LXXX. III., XV. kalendas nouembris. fratre vyncencio custode et fratre Jacobo decano ecclesie nostre existentibus.
Sigillum e flavo serico pendebat. Orig. hinc inde humore maculatum, in Arch. Cap. Strigon. priv. Lad. 66. fasc. 8. Nr. 1.
149.
1283. 19. Oct. - Ladislaus IV. Rex Strigonii moratur, in crastino Lucae Evang.
Cod. dipl. patr. VI. 298.