150.
1283. 7. Dec. - Capitulum Strigon. Nicolaum de genere Lipolnuk, terram trium aratrorum de Berencs Bathur de Szőlős decem marcis vendidisse testatur.
A. B. C.
Vniuersis, presentes litteras inspecturis, magister Andreas, doctor decretorum, prepositus et Capitulum Strigon. ecclesie, salutis (sic) in largitore salutis. Ad vniuersorum noticiam tenore presencium volumus peruenire, Quod Nicolaus, filius Johannis, de genere Lypolnuk, ad presenciam nostram accedens, terram trium aratrorum de possessione sua, Berench uocata, in comitatu Nitriensi existente, pro decem marcis argenti, Sibi ad plenum solutis, se confessus est uendidisse Bathur, filio Mathou de Zeleus, coram nobis personaliter constituto, et eius posteritatibus, perpetualiter et pacifice possidendam, in vicinitate et commetaneitate terrarum Cethen et Taran dictarum, sub certis metis, terminis et limitacionibus assignando. Et assumpsit, ipsum Bathur et eius posteritates tam per se, quam eciam per suos successores in pacifica tenuta et perpetua possessione predicte terre trium aratrorum indempniter conseruare et expedire ab omnibus impetentibus pretextu eiusdem terre proprijs laboribus et expensis. In cuius rei memoriam et perpetuam firmitatem presentes litteras ad peticionem et instanciam parcium predictarum nostro Sigillo dedimus communitas. Datum per manus discreti viri, magistri Sixti, ecclesie nostre Lectoris, anno domini M°. C°C°. LXXX. III., VIImo. Idus Decembris.
Sigillum e rubro et viridi serico pendet. Orig. in Arch. Cap. Nitr. fasc. 10. Nr. 5.
151.
1283. - Ladislaus IV. Rex, Nrum. 68., iisdem verbis, sed addita revocatione omnis donationis, a Monialibus cuicumque factae, tertio edit.
Wenzel Cod. Arp. IX. 355.
152.
1283, - Magister Thomas, de genere Vancha, et frater eius Urbazius, Praepositus de Posega, Lodomerio Archiepiscopo Strigon. terram Farnad pro terris in Susol et pro 70 marcis cedunt coram Cruciferis Strigon.
A. B. C.
Frater Dominicus magister Hospitalis et totus Conuentus Cruciferorum S. Regis Stephani de Strigonio, vniuersis, presentes litteras inspecturis, salutem