homo noster, in Comitatu Posoniensi sciret diligenter et inquireret ueritatem, si eadem possessio de iure per nos possit conferri, nec ne, et scita ueritate, conuocatis commetaneis et uicinis eiusdem, in facie ipsius comparendo, si inueniret eam nostre collacioni pertinentem, statueret ipsi domino L. Archiepiscopo Strigon. et archiepiscopatui eiusdem, perpetuo cum suis utilitatibus irreuocabiliter possidendam, si non fieret contradictum; Contradictoribus uero ad nostram citatis presenciam, contra predictum dominum archiepiscopum ad terminum competentem, et demum nobis idem Capitulum tocius facti seriem fideliter rescriberet, prout ex relacione predictorum hominis nostri et testimonii eorumdem fierent edocti et certificati in premissis. Qui quidem fideles nostri, scilicet Capitulum Iauriense, nobis rescripserunt, quod ipsi receptis mandatis nostris, litteratorie eis commissis, discretum virum, magistrum Stephanum, socium et concanonicum ipsorum, una cum ipso magistro Aba, homine nostro, transmisissent ad premissa mandata nostra exequenda. Qui demum reuersi, eis concorditer retulissent, quod prefatus homo noster in presencia eiusdem testimonij ipsorum, in eodem Comitatu Poson. circuendo, facta diligenti inquisicione, conperissent et sciuissent exinde omnimodam ueritatem, quod prelibata possessio, Own dicta, in ipso Comitatu Posoniensi existens, quam a predicto Corrardo astulimus (sic), fuisset Castri nostri Posoniensis antedicti, vicina possessioni Zeredahel memorate, quam quidem possessionem Own, collacioni nostre de Iure et de facto pertinentem, vicinis et conmetaneis suis conuocatis et in facie eiusdem conparentibus, nullo penitus contradictore existente, sub certis metis et antiquis, quibus fuit possessa, cum omnibus utilitatibus suis et pertinencijs, prefatus homo noster in presencia eiusdem testimonij eorumdem, predicto domino L. archiepiscopo et archiepiscopatui Strigon. statuisset, perpetuo et irreuocabiliter possidendam, tenendam pariter et habendam. Nos igitur consideratis fidelitatibus et Melibus seruicijs ipsius L. archiepiscopi, pro nobis et pro bono statu Regni nostri ad modum et necessarie impensis, ipsam possessionem Castri nostri, Own uocatam, cum plenitudine sui Iuris et dominij, prout ex litterali relacione dicti Capituli Iauriensis fuimus ueraciter edocti, collacioni nostre de Iure et de facto pertinentem, memorato domino Lodomerio archiepiscopo et archiepiscopatui Strigon., licet votis eius respectu fidelitatum et fidelium seruiciorum eiusdem ad presens paulisper annuamus, dedimus, donauimus et contulimus, perpetuo, pacifice et quiete, irreuocabiliter possidendam, cum suis utilitatibus et pertinencijs vniuersis, nichil Iuris exinde nobis et successoribus nostris reseruando. In cuius rei memoriam, firmitatemque perpetuam presentes concessimus, dupplicis Sigilli nostri munimine roboratas. Datum per manus discreti viri, magistri Bartlolomei (sic), prepositi ecclesie sancti Martini de Scepus, Aule nostre uicecancellarij, dilecti et fidelis nostri. Anno domini M°. C°C°. octuagesimo