et incessanter insistens, graciam Regiam tam karissimi patris nostri, Stephani Regis, illustris recordacionis, quam nostram tociusque Regni nostri fauorem insignibus obsequiorum inpensionibus sibi et ecclesijs, quibus preesse meruit, dignus fuerit comparare; Hanc in ipsius persona sancte Strigon. ecclesie, matri nostre, preter alias singulares et excellentes munificenciarum Regalium prerogatiuas, graciam duximus faciendam, vt gracias waradiensi ecclesie temporibus suis factas, pro quibus idem Wenerabilis pater penes graciam nostram specialiter institit, in ipsam Strigon. ecclesiam, cui idem wenerabilis pater in presenciarum preest, ob nostram et tocius sanguinis nostri, in linea asscendenti uel descendenti, salutem, libenter et liberaliter, accedente optimatum nostrorum aprobacione, consilio et consensu, transtulimus, in subsequentibus annotatas: Annuimus equidem et Regia liberalitate duximus indulgendum, vt quicunque nobiles, siue in diocesi Strigon., siue alibi in quacunque parte Regni nostri, quacunque dignitatis seu nobilitatis eminencia prefulgentes, liberorum forte solacio destituti, possessiones suas, empcionis, permutacionis, seu Regie donacionis, seu alio quocunque iusto titulo deuolutas ad eos, iura eciam patronatus monasteriorum, que quocumque premissorum modorum, uel quocunque iusto titulo optinere dinoscuntur, ecclesie Strigon., beati Adalberti martiris patrocinio se committens, in bona ualitudine, uel egritudine, in ipsis eciam extremis, relinquere, legare, seu donare per modum testamenti, donacionis, seu cuiuscumque relicti titulo uoluerint, largam, liberam, absolutam, inreuocabilem et inmutabilem, a Regia liberalitate concessam, habeant facultatem, nec Habeant necesse, expressam seu specialem super premissis omnibus nostram requirere uoluntatem seu permissionem; Sed haec presens permissionis nostre gracia robur ualidum et inuiolabilem in perpetuum optineat firmitatem; iuxta tenorem gracie, facte Waradiensi ecclesie, per inclite recordacionis quondam Regem Stephanum, karissimum patrem nostrum. Preterea iuxta tenorem priuilegij karissimi patris nostri, Waradiensi ecclesie condonati, concessimus eciam, ut si in aliqua terrarum ecclesie Strigon. archiepiscopatus, seu Capituli, argentifodinam, aurifodinam et ferrifodinam inueniri contigerit, totum commodum, seu lucrum plene et sine defalcacione aliqua, tam illud, quod de Huiusmodi fodinis ad fiscum Regium, seu illud, quod ad terre dominos iuxta aprobatam Regni nostri consuetudinem deuolui consueuit, ecclesie Strigon. in perpetuam elemosinam, ob remedium anime nostre concessum, sibi uendicare ualeat, ac perpetuo et inreuocabiliter possidere pleno iure. Ad hec adiecimus, ut licet ipsa Strigon. ecclesia a sui fundacione excellencium Regum Hungarie, progenitorum nostrorum, munificencijs legalibus et liberalibus donatiuis in proximo subsequenti articulo inter alias Regni nostri ecclesias singulariter sit dotata; quia tamen et hanc graciam per exibita nostre excellencie instrumenta, predicte ecclesie Waradiensi ex liberalitate Regia conperimus