dignaremur ratam habere et auctoritate re(ga)lis, ac probacionis et confirmacionis munimine roborare. Nos Igitur sanctorum nostrorum progenitorum cupientes vestigijs pro viribus inherere, etsi vniuersas nostri regiminis gubernaculo ecclesias diuine pietatis dispensacione commissas, pijs complectamur amplexibus et regalibus munificencijs prosequamur, sanctam tamen Strigon. ecclesiam, matrem nostram, filialis deuocionis affectu amplioribus intendentes magnificare titulis et vberioribus prosequi donatiuis, prefatarum terrarum collacionem cum omnibus iuribus et pertinencijs suis, roboracionibus et munimentis priuilegiorum nostrorum iam dudum in ius et dominium ipsius sancte Strigon. ecclesie translatarum, tenore presencium litterarum nostrarum gratam et acceptam habentes, auctoritate Regalis magnificencie approbamus, ratificamus, roboramus, confirmamus, iure perpetuo valituram. Introducentes in ipsarum terrarum possessiones corporales et introductos in ipsis conseruari facientes, prout ex tenore litterarum Conuentus Cruciferorum domus sancti Regis Stephani de Strigonio, nobis per nuncios prefate Strigon. ecclesie supradicte exibito, inuenimus contineri. Qui siquidem literarum tenor talis est:
Sequitur Nrus 139.
In cuius rei memoriam presentes litteras nostras patentes concessimus, ut cum reportate fuerint, priuilegij nostri faciemus munimine roborare. Datum Albe feria secunda proxima infra octauas apostolorum Petri et Pauli. Anno domini M°. CC°. LXXX°. Tercio.
In dorso vestigium sigilli appressi. Orig. in Archivo Vicar. Tirnaviensi. Nro. 1. 1. - Extr. Fejér Cod. dipl. V. III. 208.
146.
1283. 28. Aug. - Ladislaus IV., ob merita Lodomerii Archiepiscopi concedit, ut Nobiles in defectu liberorum, bona sua libere Ecclesiae Strigon. donare possint; porro lucrum omnium in territorio Ecclesiae Strigon. inveniendarum fodinarum eidem addicit; ac populos Ecclesiae ab omni collecta regali eximit.
(L)adizlaus, dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex, omnibus xpi. fidelibus, presens scriptum intuentibus, salutem in salutis largitore. Ad uniuersorum noticiam tenore presencium, harum serie, uolumus peruenire, Quod cum Wenerabilis pater Lodomerius, dei gracia archiepiscopus Strigon., dilectus et fidelis noster, primum ecclesie waradiensi presidens, et nunc sanctam Strigon. ecclesiam, matrem nostram, feliciter gubernans, in feruore fidelitatis iugiter persistendo, non solum spirituali, sed et temporali nostre et tocius Regni nostri saluti consulens, Regni eciam nostri refrmnacioni, summe neccessarie, prouide, prudenter