quondam palatini, comitis Bychoriensis, filij Dyonisij, nobis exhibuerunt, petendo, quod cum ipsum Priuilegium in cu(ria re)gia et alias necesse habeant exhibere et formident viarum discrimina et maliciam temporis impacati, ut secum ipsum Priuilegium deportarent, tenorem eiusdem priuilegij, siue sumptum, nostris inseri litteris faceremus; quorum peticionibus assensum in hac parte prebentes, predictum priuilegium, non abrasum, non abolitum, non cancellatum, nec in aliqua sui parte viciatum, de uerbo ad uerbum presentibus nostris litteris duximus inserendum, Cuius quidem priuilegij tenor (talis est):
Sequitur Tomi I. Nr. 391. pag. 317.
Item predictum priuilegium Dyonisij palatini in priuilegio felicis recordacionis domini Bele Regis quarti, quondam incliti Regis Hungarie, in omnibus suis articulis ... inuenimus confirmatum, quo prediximus, seriatim; Anno domini M°. C°C°. X°X°X°X°; VIII°. Junij kalendas, Regni autem eiusdem domini Regis anno quinto. Cui eciam tenori priuilegij (siue pri)uilegiorum in tenorem presencium litterarum sine addimento et diminucione translato, quemadmodum est premissum, ad peticionem predictorum Canonicorum Dymisiensium, sigillum nostrum duximus apponendum. Datum Anno domini M°. C°C°. LX°X°X°. tercio; feria quinta, proxima post octauas Pasce.
In tergo manu sec. 15.: super Chepel in comitatu Strigon. - Sigillum tergo fuit appressum. Orig. minutis literis exaratum et humore corruptum in Arch. Cap. Strig. priv. Lad. 70. fasc. 1. Nro. 27. - Edidit Fejér Cod. dipl. V. III. pag. 192.
145.
1283. 5. Jul. - Ladislaus IV., donationem terrarum Udvornicorum Comitatus Hontensis olim Damasa et cognatorum, Ladislao Praeposito et per eum Capitulo Strigon. factam, approbat.
Nos Ladizlaus, dei gracia rex Hungarie, memorie commendantes, significamus, quibus expedit, vniuersis, quod dilecti et fideles nostri, sancte Strigoniensis ecclesie Capitulum, nuncijs et socijs suis eiusdem ecclesie canonicis literatorie destinatis, vmiliter supplicarunt, ut collaciones terrarum vduornicorum nostrorum, in Comitatu Huntensi existentes, quas Damasa et sui cognati, vduornici nostri, olim habuisse et possedisse dinoscuntur, viro discreto magistro Ladizlao preposito Strigoniensi, aule nostre familiari clerico, felicissime recordacionis, collatas et ab eodem viro et titulo testamenti ex regali licencia, permissione et beneplacito in ius et proprietatem, ac dominium ipsius sancte Strigon. ecclesie Capitulum (sic) translatas, quin ymo ipsam collacionem in ipsum Capitulum ex regali munificencia prorogatam ... nobis etatis legitime et annonim discrecionis, propiciacione diuina, fines et terminos contingentibus,