Alexandri, condam iudicis curie nostre, super facto dicte possessionis Neuygh, exhibicione instrumentorum, in octavis[58] Purificacionis Virginis Gloriose habebatur, et licet ipsis octavis partes instrumenta sua exhibuerunt coram nobis, sed quia instrumenta ipsius Dethmari abbatis, in quali comitatu dicta possessio sit non exprimebat, nec eciam distincciones et cursus metarum demonstrabat, neque ipse Dethmarus abbas se et predecessores suos abbates de dicta Pechuarad, in dominio dicte possessionis Neuygh, vel iurium eiusdem, in toto vel in parte ullo unquam tempore extitisse, aliquibus litteris iuxta regni nostri consuetudinem, demonstrabat: pro eo, ipsi negocio, auctoritate iudiciaria finem debitum imponere debuissemus. Tamen licet hec (sic!) superhabundanti, ut inter partes equitatem lucidius facere valeamus, decrevimus committendo, ut idem Nicolaus filius Andree, de dicta Neuygh, usque ad diem medii quadragesime nunc venture, mediante homine nostro,[59] videlicet magistro Johanne filio Hench, iudice Budensi et presente dicto fratre Dethmaro abbate, ad faciem memorate possessionis Neuygh, sub testimonio capituli ecclesie Budensis, convocatis vicinis et commetaneis universis accedendo reambulet eandem, per veras metas suas veteres et antiquas, reambulatamque et ab aliorum possessionibus distinctam et separatam, relinquat eidem Nicolao filio Andree, idem homo noster, iure et titulo quo ad ipsum [emansit: pertinere] dinoscitur, perpetuo possidere. Quod si per aliquos contradictum extiterit, idem homo noster citet eos; si vero prelibatus Dethmarus abbas ipsam statucionem admiserit, vel aliquam partem de ipsa possessione Neuygh vel in toto, sui iuris vel ad dictam ecclesiam suam immediate pertinere cognoverit, recapiat nomine. Et tandem seriem omnium premissorum, cum serie reambulacionis et statucionis, ac cum cursibus metarum, vel necesse si fuerit nominibus citatorum, ac toto negocio, racione omnium premissorum inibi peracto, ad octavas diei mediXLme rescribere idem capitulum nobis teneatur. Datum, in Wissegrad, nono die termini prenotati, anno Domini Millesimo trecentesimo vigesimo quinto.[60]
Nos itaque, ut moris et iuris est, et ut preceptis vestris obtemperare cupientes (sic!), ut tenemur, cum magistro Johanne filio Hench, iudice Budensi, homine vestro predicto, nostrum hominem magistrum Nicolaum socium et concanonicum nostrum, ad predicta vestra mandata exequenda, pro testimonio duximus destinandum. Qui tandem exinde ad nos reversi, nobis concorditer retulerunt; quod ipsi feria tercia proxima post dominicam Oculi, ad faciem annotati possessionis Neuygh, presente dicto fratre Dethmaro abbate de Pechuarad,[61] vicinis et commetaneis eiusdem universis legittime illuc convocatis et presentibus accedendo, eandem per cursus metarum suaru antiquarum reambulassent, quarum cursus inferius denotantur, – reambulatamque et ab aliorum possessionibus distinctam et separatam, idem homo vester reliquisset eidem Nicolao filio Andree, eo iure et titulo quo ad ipsum dinoscitur pertinere, perpetuo possidendam, penitus nullo contradictore existente et per ipsum Dethmarum abbatem ipsam statucionem admittente. (sic!) Cuius quidem possessionis Neuygh prima meta incipit, a parte orientali, super unum lapidem iacentem penes viam, pro meta existentem, inter ipsam possessionem Neuygh et possessionem Sasad regalem: deinde egreditur ad partem meridionalem vadit ad viam que venit de Buda, transeundo ipsam ad longum spacium

[58] 1325. 9. Febr.

[59] 1325. 13. Mart.

[60] 1325. 17. Febr.

[61] 1325. 12. Mart.