presencium quam futurorum, harum serie volumus pervenire: quod accedens ad nostram presenciam magister Emericus, canonicus ecclesie Posoniensis, nomine et vice discretorum virorum magistri Nicolai prepositi et capituli ecclesie eiusdem, exhibuit nobis duo paria litterarum nostrarum patencium, super possessione Twrne confecta et concessa, petens a nobis humiliter et devote, ut tenorem et seriem earumdem litterarum nostrarum, in publicam formam nostri privilegii transscribi et redigi faceremus, tuciorem ad cautelam. Cuius quidem ipsarum litterarum nostrarum tenor talis est:
Sequitur priv. a. 1291. 6. Jun.[67] ex ipso orig. capit. Jaur. edit. T. II. p. 282. nr. 279 et p. 284. nr. 281.
Alterius vero littere tenor talis est:
Sequitur priv. a. 1292.[68] ex hoc ipso transsumpto edit. T. II. p. 327. nr. 329.
Nos vero peticionibus eiusdem magistri Emerici, nomine et vice prepositi ac capituli predictorum nobis porrectis, iustis et legitimis annuentes, dictas litteras nostras non cancellatas, non viciatas, non in aliqua sui parte suspectas, de verbo ad verbum transscribi fecimus et in publicam formam nostri redigi privilegi (sic!). In cuius rei testimonium et firmitatem, presens privilegium nostro fecimus sigillo autentico communiri. Datum et actum, feria secunda proxima post festum ascensionis Domini, anno eiusdem M-o CCC-o vicesimo sexto; magistris Mathya lectore, Nicolao cantore et Jacobo custode ecclesie nostre existentibus.
Extus manu medii aevi: continentur in se transscriptum duarum litterarum: unius testamenti et alterius resignacionis consanguineorum testatorum, possessionis Czukarie, prima cum littera capituli Strigoniensis (sic!) testamentaria. – Sigillum e rubro et flavo serico pendet. – Orig. membran. pulchre exaratum, in Areh. cap. Poson. Priv. Capsa C. fasc. 4. nr. 49.

132.
1326 Visegrád. 8. Maii. – Carolus I. rex, literas suas annuales, capitulo Posoniensi concessas, per capitulum Jaurinense executioni demandari jubet. Tenorem vide sub nr. 160.

133.
1326. 11. Maii. – Carolus I. rex, litem inter magistrum Thomam rectorem altariae B. Marie Virg. de Strigon. et sacerdotem loci, quoad decimas Marosienses, interveniente Boleslao archiepiscopo Strigon., compositam esse testatur.
Karolus, Dei gracia Hungarie, Dalmacie, Croacie, Rame, Seruie, Galicie, Lodomerie, Comameque Bulgarieque rex, princeps Salernitanus et Honoris, ac montis sancti Angeli dominus, omnibus Christi fidelibus, presentibus et futuris, presencium noticiam habituris, salutem in omnium Salvatore. Quoniam temporis fluxibilitas rebus, sub se generatis, instabilitatem imprimit et occasum, non immerito in restaurario memoriali deposita, processu ipsius temporis elabuntur (sic!) et idcirco litterarum testimonio solidantur res, que standi vigorem perpetuum prestolantur; hinc est, quod ad universorum noticiam harum serie volumus pervenire: quod cum inter discretum virum magistrum Thomam, rectorem altaris Beate Virginis, in corpore ecclesie beati Adalberti de Strigonio existentis ab una parte; ex altera vero inter sacerdotem ecclesie beati Martini de villa Morus, villicum

[67] 1291. 6. Jun.

[68] 1292.