aliam etiam portionem in eadem Sarov sexaginta marcis latorum Viennensium vendunt coram Capitulo Nitriensi. Ibid. 234.
595.
1305. 30. Mart. - Capitulum Poson. magistrum Martinum, servum suum Thege manumisisse testatur.
Vniuersis xpi. fidelibus, presentes litteras inspecturis, Capitulum ecclesie Posoniensis salutem in domino sempiternam. Ad vniuersorum noticiam tenore presencium volumus peruenire, Quod magister Martinus filius Zah, constitutus coram nobis personaliter, est confessus, quod ipse quendam seruum suum hereditarium, nomine Thege, similiter coram nobis constitutum et se seruum hereditarium ipsius magistri Martini confitentem, pro remedio aminarum parentum suorum, ac pro remedio anime sue, ipsum Thegam (sic) et suos heredes, heredumque suorum successores, presente Lamperto, filio Boxa, fratris eiusdem magistri Martini, et bona uoluntate permittente, manu misisset et tradidisset, perpetue libertati; dando eidem Thege, et suis heredibus, heredumque suorum successoribus vbicunque uel apud quoscunque residendi voluerint, liberam habeant (sic) facultatem. In cuius rei memoriam nostras dedimus litteras, sygilli nostri munimine roboratas. datum feria tercia proxima post dominicam letare. Anno domini M°. C°C°C°. quinto.
A. B. C.
Sigillum e rubro serico pendet. Orig. in Arch. Cap. Poson. publ. Capsa 14. fasc. 23. Nr. 10.
596.
1305. 11. Apr. - Conventus Cruciferorum Strigon. populos de Sarló, ne Petrus terram suam arabilem extraneo vendere possit, protestationem interposuisse testatur.
Nos Conuentus Cruciferorum domus Hospitalis ecclesie sancti Regis Stephani de Strigonio, damus pro memoria, Quod Clemens, filius Chiba et Stephanus, frater aba (?) ac Petrus, filius Hazug, pro se et pro tota villa Sorloud, ad nostram personaliter accedendo presenciam, sua nobis protestacione curare significarunt (sic), Quod Petrus, filius Gurgius, quandam possessionem suam, seu terram arabilem, ad tria aratra sufficientem, iuxta possessionem domini Archiepiscopi sancte Strigon. ecclesie, videlicet predictam villam Sorloud, existentem, sine consilio et consensu, ac scitu predictorum populorum