593.
1305. 17. Febr. - Theophilus Praepositus et Capitulum Strigon. venditioni, Nro. 594. propositae, Thomam Archiepiscopum Strigon. consensisse testantur, "praesertim quia idem Magister Bede Sanctae Ecclesiae Strigon. multipliciter tam rebus, quam persona cqmplacere non cessavit, et maxime tum venerabilis Pater, Dominus Thomas, Dei gratia eiusdem sanctae Strigon. Ecclesiae Archiepiscopus, ac ipsius loci perpetuus Comes, tunc Electus, ad sedem Apostolicam pro impetrando pallio Archiepiscopali laborans, idem Magister B. in tribus equis optimis et XXX marcarum expensis eidem prouidere ad restaurationem ipsius Ecclesiae procuravit et aliis servitiis, huic consimilibus indesinenter laboravit. - - Datum per manus discreti viri, magistri Jacobi, Lectoris Strigon., feria quarta proxima ante festum Kathedrae s. Petri."
Fejér Cod. dipl. VIII. I. 178. - Literae hae probabilius feria quarta post festum Cathedrae s. Petri, eodem nempe die, quo Nrus. sequens, datae sunt.
594.
1305. 24. Febr. - Frater Nicolaus Magister et Conventus Cruciferorum Strigon. Nobiles quosdam de Sarou iuxta Gran, Jobagiones nempe Strigon. Ecclesiae portionem eorum in Sarow magistro Bedey, nobili de Saag quindecim marcis latorum Viennensium vendidisse testantur. "Cui quidem vendicioni Dominus Thomas Archiepiscopus (Strigon.) personaliter, quia nequiuit eandem possessionem emere, seu redimere ab eisdem tum propter nouitafem aduentus a Domini Apostolici Curia, quam ob impotentiam suae facultatis, tum (tunc) enim de nouo suas subiuerat possessiones, plenissimum prebuit consensum et assensum, tali condicione mediante, quod huius ob respectum idem Magister Bedey quadraginta et duas marcas, (quas) mutuo iuxta continentiam priorum litterarum nostrarum eidem Domino Thomae Archiepiscopo suae necessitatis tempore et maxime ad sanctae Stri°on. Ecclesiae aliqualein restaurationem et fulcimentum, quae in quibusdam suis partibus ruinam minabatur, coram nobis dederat, amicabiliter et gratanter relaxaret, quas quidem, una cum literis nostris antedictis eidem Domino Th. Archiepiscopo restitutis, relaxavit et eundem per omnia expeditum reddidit coram nobis; tali addita ratione, quod nullo vmquam tempore idem Dominus Th. Archiepiscopus, seu sui successores processu temporis dictam emptionem ullo modo retractare valeant, seu in irritum revocare. - - - Datum in festo Beati Mathiae Apostoli."
Fejér Cod. dipl. VIII. I. 175. - Literas has et praecedentes ad a. 1307. relegandas esse, pag. 550. docemus. - A. 1307. iidem nobiles eidem magistro Bedey

---