declararant, antea et post super hoc specialiter confectorum, et pretextu quorum priuilegiorum de nouo repertorum, tam de Bulla venerabilium patrum et dominorum, Benedicti scilicet et Philippi quondam archiepiscoporum Strigon., predecessorum nostrorum, felicium recordacionum, quam eciam discretorum virorum Capituli ecclesie Budensis optentorum, peteret iam dudum nostram prolatam sentenciam retractari. Nos considerantes et attendentes, Iuris ordine edocente, quod de fide huiusmodi instrumentorum de nouo repertorum non debuit sentencia Iudicis retractari, uel eciam immutari, cum ante determinacionem predicte litis de habicione uel amissione eorumdem instrumentorum idem albertus plebanus nullam fecerit protestacionem uel eciam mencionem. Et licet ex iteracione huiusmodi cause iam decise idem albertus plebanus iuxta regni consuetudinem approbatam de caiumpnia posset notari; Tamen nos in hoc parcentes eidem, pie et paternaliter agendum duximus cum eodem, nichilominus sibi et sue iterate liti et suis instrumentis, de nouo repertis, auctoritate presencium perpetuum silencium imponentes. Datum Strigonij etc.
Ex eodem transsumpto coaevo.
450.
1298. Jan. - Lodomerius Archiepiscopus Strigon., plenus dierum et bonorum operum, ultimae necessitati succumbit.
Lodomerius a. 1297. adhuc Concilium celebravit (Nr. 428.) tum 14. Dec. ad diem 9. Maii anni futuri novum concilium indixit (Nr. 425.), sed iam celebrare illud, morte praeventus, non potuit. Lodomerius inopinate, nec diuturna infirmitate pressus e vivis excesserit; toto enim anno 1297. diversis negotiis expediendis intentus, magna itinera peregit; sic mense Jan. litibus sacerdotum componendis Strigonii distentus (Nri. 401. et 403.) 26. Mart. Posonii cum Rege consecrationi Ecclesiae fratrum Minorum interfuit (Nr. 407.) Mense Junio iterum Strigonii constitutus, et literis transcribendis (Nr. 409.) ac villis permutandis (Nri. 410. et 413.) occupatus, die 24. Jun. Andream Regem liberaliter hospitem excepit (Nr. 412.) Mense Augusto pariter Strigonii proventus Altariae B. Virginis coordinat (Nr. 418.) et litem cum Comite Ugrino terminavit (Nr. 420.) Mense Sept. iterum terras cambiat (Nr. 421.) Mense autem Nov. cognatos suos invisurus in villam Monoszló conoessit (Nr. 423.) mense tandem Dec. Budae constitutus, iterum terras et possessiones cambiat (Nr. 424.) ac lites dirimit (Nr. 425.) et ius metropoliticum exercet (Nr. 427.) Sed circa finem adminus mensis huius iam adversa valetudine laboravit; ultimas enim literas suas, 28. die Dec. signatas "in Buda in Calidis Aquis apud sanctam Trinitatem" edidit (Nr. 427.) Ergo tunc in Monasterio certe Cruciferorum,

---