nouo monte Pestiensi assetstentibus (sic) sibi Ciuibus et Iuratis parochianis eiusdem ecclesie, traxisset in causam Clementem plebanum ecclesie sancte marie magdalene de eodem Castro, proponens in figura Iudicij contra eundem, duas marcas et dimidiam pro annuo censu ex parte eiusdem et sue ecclesie sibi deberi, et econuerso eodem Clemente plebano hoc denegante, sed tantum in vna marca et non in maiori sumpma teneri racione dicti census se et suam ecclesiam predicto alberto plebano sancte marie, iuxta continenciam priuilegij nostri super eodem negocio olim dati affirmante; nos auditis parcium proposicionibus et intellectis, adiudicauimus, quod idem Clemens plebanus dictum priuilegium nostrum, cuius robore et uigore intencionem suam adjuuari astruebat, exhiberet coram nobis in termino competenti. Adveniente igitur termino, ad hoc per nos assignato, ipsum priuilegium nostrum per eundem Clementem plebanum, presente parte adversa, exhibitum extitit coram nobis, in quo euidenter inspeximus contineri, quod nonnisi in una marca ecclesia beate marie magdalene memorata plebano ecclesie sancte marie, pro tempore constituto, est obnoxia racione census antedicti. Vnde ipso alberto plebano et suis parochianis, antedictis Ciuibus videlicet de Castro Budensi, tenori ipsius priuilegij contradicere non ualentibus, sicut de Iure nec poterant, cum idem non abrasum, non abolitum, nec in aliqua sui parte inuenimus uiciatum, Sentencialiter decreuimus, quod decetero ipse albertus plebanus et sui successores ipsum Clementem plebanum et suam ecclesiam predictam super unam marcam occasione dicti census annualis inpetere non debeant uel presumpmant, sibi et suis successoribus super hoc perpetuum silencium inponentes. Vt igitur huius nostre sentencie series robur optineat perpetue firmitatis, presentes eidem dari fecimus litteras, Sigilli nostri autentici appensione et munimine roboratas. Datum cet.
E copia coaeva. Ex Arch. Aerarii Reg. Hung. Acta Eccl. fasc. 41. Nro. 75
449.
.... Lodomerius Archiepiscopus Strigon. causam Nro. praecedenti terminatum, refricare prohibet.
Nos Lodomerius, miseracione diuina Strigon. archiepiscopus et Comes perpetuus loci eiusdem, Significamus quibus expedit vniuersis, Quod cum albertus plebanus ecclesie sancte marie de Castro Budensi contra Clementem plebanum ecclesie s. marie magdalene de eodem Castro super facto annualis census, qui ex parte eiusdem ecclesie beate Marie magdalene prefate ecclesie s. Marie annuatim debetur, susscitasset veteres questiones coram nobis, que anno proxime preterito per nos in rem transierant iudicatam et determinante (sic) ac decise fuerunt, sicut duo paria priuilegiorum nostrorum illud declararant

---