58.
1353 január 7.

A nyitrai káptalan előtt András, a garamszentbenedeki monostor prépostja és kistapolcsányi Gyula fia Gergely és testvére, Miklós a monostor taszári és a kistapolcsányiak malonyai földjének határai ügyében egyezségre lépnek.

Kirografált hártya, 299 x 109 + 33 mm. Nagy C kezdőbetű. Vörös selyemzsinóron a nyitrai káptalan sérült kisebb pecsétje. Középkori kézzel: Littere metales super possessione Thazar; Abbatis Sancti Benedicti de iuxta Gron; valamint újkori latinnyelvű tartalmi kivonat és levéltári jelzetek. Eszt. kpt. mlt. 4-6-1 (DF 235 889).

A B C
Capitulum ecclesie Nittriensis omnibus Christi fidelibus presentes litteras inspecturis salutem in salutis largitore. Quoniam presens etas ad dolum et calumpniam prona esse dinoscitur, provisum est, ut res gesta litterarum amminiculo fulciatur. Proinde ad universorum tam presencium, quam futurorum noticiam harum serie volumus pervenire, quod magister Gregorius, filius Gyule de Kystopulchan sua et Nicolai, fratris sui, cuius honus sponte super se assumpsit, in personis ab una, item frater Andreas, prepositus monasterii Sancti Benedicti de iuxta Gron pro domino fratre Seffrido abbate et conventu monasterii eiusdem cum sufficientibus litteris procuratoriis eorundem parte ab altera nostri in presencia constituti concordi voce retulerunt, quod licet super facto metarum possessionis Thazar vocate eorundem domini abbatis et sui conventus ac possessionis Molonyan nominate dictorum magistrorum Gregorii et Nicolai lis et controversia mota fuisset inter ipsos et exorta, tamen propter bonum pacis et sinceri favoris oblectacionem, ut amodo et deinceps omnis fomes invidie, ire, odii et inimicicie de medio eorum radicibus evulsis sopiatur et eterno pacis zelo se valeant amplexari, inter dictas possessiones suas sex metas ordine subsequenti erexissent, ita videlicet, quod duas metas erexissent a parte fluvii Sithua vocati in quodam prato, alias duas metas retro orrea dicte ville Molonyan, residuas autem duas metas penes viam magnam, que duceret de Werebel in villam Morouth nuncupatam, quarum tres a parte ipsius ville Molonyan adiacentes separarent eidem ville Molonyan, alie vero tres mete possessioni Thezer sepedicte. In cuius rei memoriam perpetuamque firmitatem presentes eisdem duximus concedendas sigilli nostri pendentis munimine roboratas per mediumque alphabeti intercisas. Datum secundo die festi Ephyphaniarum Domini, anno eiusdem Mmo cccmo quinquagesimo tercio.