dicti comitatus et specialiter vicini et commetanei infrascripte possessionis per eos conscienciose ad fidelitatem sancte corone palam et occulte requisiti dixissent se scire, quod Georgius, filius Petri de Nymchun quandam particulam terre dicti monasterii Sancti Benedicti propriam de possessione eiusdem monasterii Rohoznicha vocata excidendo contra legitimam prohibicionem prelibati domini Sefridi abbatis et sui conventus lite inter ipsos pendente propria auctoritate usus extitisset fructus et utilitates eiusdem pro se recipiendo. Datum in Bors, feria quinta proxima post festum Beati Mychaelis archangeli prenotati, anno Domini Mo CCCo lmo tercio.

80.
1353. november 25. Buda

I. Lajos király megparancsolja a garamszentbenedeki konventnek, hogy küldje ki emberét, akinek a jelenlétében a királyi ember Gyarmat birtok határait az ottani birtokosok számára megjárhatja.

Átírta a garamszentbenedeki konvent 1353. december 13-án kelt jelentésében. Eszt. kpt. mlt. 38-1-9 (DF 236951).

Lodovicus, Dei gracia rex Hungarie fidelibus suis, conventui Sancti Benedicti de iuxta Gron salutem et graciam. Dicit nobis Lucasius sua, Iohannis, Nicolai et Stephani, filiorum suorum, item Nicolai et Iacobi, filiorum[222] Buken de Germoth in personis, quod predicta possessio eorum Germoth vocata, in comitatu de Bors existens aput manus eorum habita reambulacione et metarum ereccione plurimum indigeret. Super quo fidelitati vestre firmiter precipiendo mandamus, quatenus vestrum mittatis hominem pro testimonio fidedignum, quo presente Laurencius, filius Gregorii de Habay vel Iohannes aut Laurencius, filii Gregorii de eadem sive Tonk, filius Petri de Fyus aliis absentibus homo noster ad faciem predicte possessionis vicinis et commetaneis suis universis legitime convocatis accedendo et ipsis presentibus reambulet ipsam per suas veras metas et antiquas, novas iuxta veteres in locis necessariis erigendo reambulatamque et ab aliorum possessionibus metali distinccione separatam relinquat ipsam eidem Lucasio et filiis suis ac Nicolao et Iacobo, filiis Buken prenotatis eo iure, quo ad ipsos dinoscitur pertinere, perpetuo possidendam, si non fuerit contradictum. Contradictores vero, si qui fuerint, citet ipsos contra eosdem ad nostram presenciam ad terminum competentem et post hec seriem ipsius reambulacionis cum cursibus metarum vel, si necesse fuerit, nominibus contradictorum et citatorum ac termino assignato nobis fideliter rescribatis. Datum Buda, in festo Beate Katherine virginis et martiris, anno Domini Mo cccmo lmo tercio.

[222] az átiratban: filiis