73.
1353. július 16.

A zobori konvent bizonyítja, hogy előtte Chama leánya, Katalin asszony az apja által Trencséni Máté hatalmaskodása idején a garamszentbenedeki apátságtól elfoglalt Szőlen földet az apátságnak visszaadta.

Alsó szélén, a plika alatt kirografált hártya, 285 x 157 + 49 mm. Zöld és világosbarna sodratú selyemzsinóron a zobori konvent pecsétje. Hátlapon későbbi középkori kéztől: Super terra Sewlen vocata prope Bars habita; valamint újkori levéltári jelzetek. Eszt. kpt. mlt. 40-4-10 (DF 237 073).

Nos, conventus monasterii Beati Ypoliti martiris de Zubur universis Christi fidelibus presens scriptum intuentibus salutem in largitore salutis. Omnia, que mortalium geruntur ordinacione, oblivionis scrupulo sepius cassarentur, si non essent litterali cyrographo communita. Hinc est, quod ad universorum tani presencium, quam futurorum noticiam harum serie volumus pervenire, quod nobilis domina Katherina de Bors, filia Chama quondam de eadem Bors coram nobis personaliter constituta confessa extitit oraculo vive vocis, quod quandam porcionem terre viginti iugera vel paulo amplius continentem, quam olym idem Chama, pater ipsius a terra monasterii Sancti Benedicti Seulen vocata tempore Mathei de Trynchinio et ipsius potencie prope ipsam civitatem Bors habitam seu existentem excisam et abstractam ad usum suum potencialiter in preiudicium ipsius monasterii detinuit occupatam et post mortem eiusdem Chama ipsa domina Katherina, filia sua similiter usque nunc eandem porcionem terre habuit et possedit occupatam. Tandem predicta domina Katherina, filia Chama Dei timore perculsa et amore illustrata recognoscens ex certa sciencia eandem porcionem terre ad ipsum Sancti Benedicti monasterium de iure pertinere et ex antiquo semper pertinuisse, et ne anime parentum suorum et sua ex indebita occupacione prefate porcionis terre aggravarentur, supradictam porcionem terre nichil sibi iuris vel dominii in memorata porcione terre reservando sepedicto monasterio Sancti Benedicti cum omnibus suis utilitatibus et pertinenciis universis restituit et condonavit resignavitque pacifice et quiete perpetue possidendam, tenendam pariter et habendam, nullo penitus contradictore apparente. Ut autem huius restitute donacionis series rata et firma ac inconcussa perseveret et ne in temporis processu vacillet, sed perpetue firmitatis robur obtineat, ob hoc sigilli nostri autentici appensione presentes duximus muniendas. Datum feria tercia proxima post festum Translacionis Beatissimi Benedicti, monachorum patris adque ducis. Anno Domini millesimo trecentesimo quin quagesimo tercio.
A B C