ad premissa peragenda deputatis et ad eandem reambulandam, ac estimandam hora debita et tempestiva supervenientibus, non cum regali mensura mensurando, nec hominem regium, testimoniumque vestrum partis alterius modo judiciario, ut debebat tempestive, ut premittitur, premisso negocio intentos prestolando, premissa fere exsequtus reperiebatur, pro eosdem filios Pauli in judicio trium marcarum in termino reportacionis seriei premissorum persolvendo remansisse decernentes, vestre discrecionis amiciciam presentibus requirimus diligenter, quatenus vestrum mittatis hominem pro testimonio ydoneum, quo presente Lad(islaus) de Machala, vel St(ephanus) dictus Thege, pro parte dicti domini archyepiscopi Strigoniensis; item Iwanka, aut Demetrius de Maly, pro parte dictorum St(ephani) et Nicolai filiorum Pauli de Sorlou minori, aliis absentibus homines domini regis, in die medii XL-me nunc ventura, videlicet quarta feria,[255] convocatis vicinis et commetaneis dicte possessionis Wezeken universis, et presentibus ad faciem possessionarie porcionis dictorum filiorum St(ephani) filii Been, in eadem possessione Wezeken habite, iterata vice accedant et ipsam per veteres, ac antiquas metas reambulent, reambulandoque regali mensura mensurando, cum ecclesia sua lapidea ac aliis suis usibus, utilitatibus, fructibus et pertinenciis suis universis, quibuscumque nominibus dicantur, absque quorumlibet contradiccionis obstaculo, Deo habito pre oculis, estiment iuxta approbatissimam regni consuetudinem condigno suo precio et valore et post hec seriem dicte estimacionis, cum cursibus metarum, prenotatam possessionariam porcionem distinguentibus, domino regi ad octavas eiusdem medii xlme nunc venturas, in vestris litteris fideliter rescribatis, ut tunc visis literis vestris ipsam possessionarie porcionis estimacionem contingentibus, inter partes ipsam tamen prosequentes, judicium et iusticiam facere valeamus, juris ordine congruente. Datum, in Wyssegrad, octavo die termini prenotati, anno Domini M-o CCC-o XXX-mo septimo.
Extus: Amicis suis honorandis, capitulo ecclesie Albensis, pro St(ephano) et Nicolao filiis Pauli de minori Sorlou, contra dominum archyepiscopum Strigoniensem, super reambulacione et estimacione possessionaria, in die medii xlme, videlicet quarta feria facienda et in octavas eiusdem medii xlme ad judicem. – Sigillum plicature fuit appressum. – Orig. membr., in Arch. Mus. Nat. Hung. Budapest. (Mat. Vet.)
419.
1337. (Esztergom.) 3. Mart. – Magistratus civitatis Strigoniensis, Jacobum aurifabrum, Stephano castellano Visegradiensi, domos suas vendidisse perhibet.
Edid. Cod. Andegav. T. III. p. 324.
420.
1337. Avignon. 28. Mart. – Benedictus PP. XII., mandat Chanadino archiepiscopo Strigon., ut in causa abbatis de Bata, se per archiepiscopum Colocensem et episcopum Quinqueecclesiensem spoliatum esse querulantis, simpliciter et de plano, sine strepitu et figura iudicii, faciat iustitia complementum.
Ed. Koller: Hist Eppatus Quinqueecclesiensis T. II. p. 567 et sq., imo et Fejér: Cod. Dipl. VIII/4. p. 243 et sq.
[255] 1337. 26. Febr.
Első
