archiepiscopatui Strigoniensi, a sue tempore fundacione (sic!) debendas, quas, per quorumdam sinistram informacionem, aliquibus temporibus retroactis, ad castrum Zaard minus iuste exactas, usque modo detinuerunt, nos de mandato domini nostri regis Hungarie specialiter imponente, et maxime suadente iusticia et demum pre oculis habendo, cum sint ipse decime pro animarum redempcione ordinate ecclesiis et ecclesiarum prelatis, archiepiscopis et episcopis, ac aliis clericis karactere insignitis in usum et victum, ac pro reparandis ornamentis ecclesie et pro fabrica ecclesiarum, in signum universalis dominii omnipolenti Deo condonate, restituimus, resignavimus et perpetuo remisimus archiepiscopo et archiepiscopatui Strigoniensi, possidendas et exhigendas in toto et qualibet sui parte, prout eciam ab antiquo dinoscebatur possideri, sicuti in litteris privilegialibus Bele regis plenius vidimus contineri. Quapropter universis nobilibus et ignobilibus, ac cuiusvis condicionis hominibus, in districtu de Torna commorantibus, iniungimus per presentes, nichilominus et firmiter mandantes, quatenus universas decimas vestras et vestrorum iobagionum, ac iobagionum nostrorum, pertinencium ad castrum Zard (sic!) archiepiscopo et ipsius decimatori, quem ad hoc deputaverit, a modo in posterum dicari et exhigi permittatis et faciatis solito more. Cessantes iam a solucione decimarum castro regio Zard vocato, in toto facienda. Datum, in Wyssegrad, in sabbatho Ramispalmarum, anno Domini M-o CCC-o XXX-mo sexto. Et cum presentes nobis reportate fuerint, super hoc nostrum privilegium conferemus.
Sigillum annulare tergo fuit appressum. – Orig. membr., in Arch. Episcopat. Rosnav.

407.
1336. Visegrád. 25. Mart. – Carolus I. rex, mandat conventui Crucifer. de Strigonio, ut inquisitionem peraget contra Benedictum Nigrum, castellanum de Saskő.
Tenorem vide sub nr. 409.

408.
1336. Visegrád. 25. Mart. – Carolus I. rex, elocat cameram Transsylvanam, magistro Endre, cusionisque ordinem regulatur.
Nos Karolus, Dei gracia rex Hungarie, significamus tenore presencium, quibus expedit universis: quod nos considerata fidelitate et sagaci industria magistri Endre Maioris, per quam nostre maiestatis graciam optinere curavit, comitatum camere nostre Transsiluanensem, cum omnibus comitatibus, districtibus, villis, opidis et civitatibus, qui et que ad eandem cameram ab antiquo dinoscuntur pertinuisse, cum comitatibus Albensi, de Hunad, de Torda, de Kykulleu maiori et minori, de Zonuk interiori, de Dobaka et de Kolus, eidem magistro Endre, pro mille marcis, partim in grossis, partim vero in florenis per ipsum fabricandis, in terminis infrascriptis nobis persolvendis:[246] anno Domini M-mo CCC-o XXX-mo sexto, a data presencium, videlicet a festo Annunciacionis beate Virginis, infra eiusdem termini revolucionem, dedimus et locavimus, simul cum decimis archyepiscopalibus exercendam, procurandam et tenendam eo modo, quod idem comes camere nostre predicte, cudet et faciet fabricari triformes denarios videlicet: florenos bonos et puros, ad modum

[246] 1336. 25. Mart.