iniungentes decimatoribus quibuscunque, pro tempore constitutis, qui prefatas villas, in quibus custos Strigoniensis quartam habere dinoscitur, dicare et decimam exigere consveverunt, ipsum custodem Strigoniensem, in suis iuribus, in nullo penitus debent defraudare Ut igitur hec robur perpetue firmitatis obtineant, sigilli nostri munimine duximus roboranda. Datum Strigonii, prima dic mensis Aprilis, anno Domini Millesimo trecentesimo tricesimo quinto.
E transumpto Stephani Báthori palatini a. 1520. In Arch. Cap. Strigon. Priv. Lad. 51. fasc. 1. nr. 34. – Habetur et transsumpt. Petri de Perén palatini in charta a 1516. confect. Ibidem Lad. 51. fasc. 3. nr. 3.

381.
1335. – 14. Maii. – Carolus I. rex, possessionem Szerdahely, per Chanadinum archiepiscopum pro possessionibus Gyorok et Lék comiti Petro cessam, ab eodem comite, ob notam infidelitatis adimit et eidem archiepiscopo 200 marcis vendit.
Karolus, Dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque rex, princeps Sallernitanus et Honoris, montis sancti Angeli dominus. Omnibus Christi fidelibus, presentibus pariter et futuris, presencium noticiam habituris, salutem in Domino sempiternam. Cum ea, que iustis causis intervenientibus in iura ecclesiarum rediguntur, regio patrocinio debeant solidari, idque quod iuris sancte matris ecclesie dinoscitur extitisse, eo non defraudari, quin ymo debeat in ewum (sic!) gratulari, regia magnificencia decrevit firmitatis amminiculo stabilita roborari. Proinde, tam presencium, quam posterorum noticie harum serie volumus fieri manifestum: quod cum nos quasdam possessiones Gyorok et Leek vocatas, iuxta flumen Nitrie existentes, nostre collacioni omni equitatis tramite, ut hominum sine herede decedencium specialiter devolutas, comiti Petro, filio Menul, pro meritoriis suis serviciis, dudum ante perpetuo contulissemus, et demum, quia ipse possessiones archiepiscopalibus possessionibus circum quaque vallabantur et multiplicia discolositatum et guerrarum discrimina inter populos dicte Strigoniensis ecclesie, ac populos prefatarum villarum, iobagionum videlicet dicti comitis Petri, incessanter suboriebantur, nobisque frequentes querimonie hinc inde porrigebantur, volentes ipsarum dissensionum scandala utrimque de medio ipsorum populorum removere, eidem comiti Petro, cum venerabili in Christo patre domino Chanadino, eadem et apostolice sedis gracia archyepiscopo Strigoniensi, locique eiusdem comite perpetuo, nostri regalis consensus admissione mediante, concambium et permutacionem facere et disponere mandassemus; ipseque comes Petrus, prelibatas possessiones Gyorok et Leek, per nos perpetuo sibi collatas, eidem domino archyepiscopo et per eum suo archyepiscopatui, ex nostri regalis admissivi consensus mandato, in concambium possessionis prescripti domini archiepiscopi Strigoniensis Zeredahel vocate, in comitatu Posoniensi existentis, perpetuo et irrevocabiliter contulisset; et iam dictus dominus archyepiscopus, in concambium prelibatarum possessionum sibi datarum, et traditarum, eandem possessionem Zeredahel, eidem comiti Petro similiter perpetuo possidere tradidisset. Nosque revocatis et reductis nostri regiminis gubernaculis, castris nostris Wywar et Berench nuncupatis, in terminis regni nostri adiacentibus, que per Stephanum Bohemum, nostrum et regni nostri emulum specialem, contra nostram maiestatem potencialiter detinebantur eo, quod dicta castra interioribus edificiis et propugnaculis