Sigillum e zona membr. pendebat. Orig. viciatum in Arch. Cap. Poson. publ. Capsa 33. fasc. 1. Nr. 3.
696.
1310. 4. Sept. - Carolus Rex possessionem Nekcse, a Templariis, per Papam abrogatis, receptam, magistro Alexandro de genere Aba donat.
Karolus, dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex, Omnibus Xi. fidelibus, presens scriptum inspecturis, salutem in omnium saluatore. Lex est Regia, a naturali iure descendens, bene meritis equo premio respondere. Proinde ad vniuersorum, tam presencium, pariterque futurorum noticiam harum serie volumus declarare, Quod nos meritoria obsequia et obsequiosa merita magistri Alexandri, filij Alexandri, de genere Aba, dilecti et fidelis nostri, que nobis a primo introitu in Regnum Hungarie cum desiderio sumpme fidelitatis usque horam Coronacionis nostre tenuit semper, fouitque partem nostram immutabiliter contra omnes et specialiter contra filium Regis Boemie, qui per quosdam emulos, seu barrones Regni, nostre maiestati reluctantes, Dyademate Regia fuerat insignitus, quem idem Rex Boemie, pater suus, ad suam reduxit propriam patriam, cum magna et maxima multitudine armatorum usque Pesth personaliter ueniendo ad eundem, sicut id est cunctis notorie magis notum, quem nos postmodum cum barronibus et nobilibus Regni nostri nobis fidelibus, in Boemiam hostiliter insequentes, vastus, spolia et incendia ibidem committendo, municionibus plurimis et Castris occupatis, seu combustis; ubi idem magister Alexander laudabilia et acceptabilia exhibuit seruicia coram oculis nostre maiestatis; attendentes, in memoriam eciam reuocantes seruicia eiusdem, que nobis contra Ducem Otthonem inpendit, nostro lateri iugiter adherendo, personam suam et omnes possessiones suas, ac bona dubijs fortune casibus pro nobis submittere non expauit. Volentes itaque sibi pro tot et tantis seruiciorum meritis aliquali remuneracionis beneficio Regio occurrere cum fauore, quamquam exiguum et minimum uideatur, eaque ad presens facimus, respectu horum que eidem facere intendimus in futurum; quandam terram, seu possessionem Cruciferorum Templi, Nekcha noncupatam, olym per Jvla banum, precessorem ipsius magistri Alexandri, de hereditaria possessione eorumdem, similiter Nekcha uocate, excisam et ipsis Cruciferis datam, ab eisdem Cruciferis pro quadam macula infamie, super qua apud Sanctam Romanam ecclesiam negocium ipsorum dampnabili fuit exitu et fine terminatum et eciam apnd nostram excellenciam sinistratum, auferentes, eidem magistro Alexandro et per eum suis heredibus, heredumque suorum successoribus, cum omnibus

---