Palacium ad Capitulum supradictum, tanquam ad ueros dominos et legitimos possessores recto tramite deuolui debebat, Emphyteota enim iuris regula suadente, emphyteosi non persoluta, a iure suo cadet; predictum Palacium cum Cellario et omnibus suis pertinencijs, preter alias domos ligneas, super terra memorati Capituli constitutas, quas comiti Ladislao filio Warou vendidisse dicitur, dimisit, reliquit et resignauit dominis suis, videlicet Capitulo supradicto in signum debite satisfaccionis perpetuo et irreuocabiliter possidendum. Renuncians de cetero omni liti, accioni, vel questioni, si quas ipse, vel cognati sui, quocunque modo ipsum contingentes, habere possent coram quouis Judice contra memoratum Capitulum in futurum. Non obstantibus quibuscunque rimulis iuris Canonici et Ciuilis, qui sibi, vel suis cognatis amminiculum ferre possent in premissis. In cuius rei memoriam et perpetuam firmitatem ad instanciam parcium predictarum presentes concessimus litteras, sigilli nostri appensione communitas. Datum in die festiuitatis beate Cecilie virginis anno domini M°. CCC°. Nono.
Extus manus sec. 15. adnotavit: Super Palacio Martini, quod magister Blasius pro se occupauerat et nomine altaris sancte Trinitatis vendita est Michaeli Rasorj. - Sigillum e zona membr. pendebat. Orig. in Arch. Cap. Strigon. priv. Lad. 25. fasc. 1. Nr. 10.
676.
1309. 22. Nov. - Conventus Cruciferorum Strigon. Ladislaum civem Strigon. pro dimidio fundo se Capitulo Strigon. annuo censu obstrictum recognovisse testatur.
Nos frater Nicolaus, magister Domus Hospitalis et Conuentus cruciferorum ecclesie sancti Regis Sthephani de Strigonio significamus memorie commendantes vniuersis, quibus presentes ostenduntur, Quod Ladizlao, filio Donkus Comitis, quondam Ciuis Strigon., iobagione videlicet Honorabilis Capituli ecclesie Strigon. in parochia sancti Laurencij, ex una parte; et discreto viro, magistro Blasio, canonico et procuratore eiusdem Capituli, vice et nomine dominorum suorum de predicto Capitulo, ab altera, coram nobis personaliter constitutis; idem Ladislaus predicto Capitulo, tamquam terre domino et legitimo possessori, racione pensionis dimidij fundy iuxta domum lapideam domine Margarete, quondam instriticis, (sic) a parte meridionali, super terra memorati Capituli intra Ciuitatem existentis, in tribus fertonibus, videlicet fertonem quemlibet cum centum latorum vyennensium denarijs computando, in tribus terminis infrascriptis; scilicet in die Circumcisionis domini et in festo beati Georgij mart., ac festiuitate sancti Egidij confessoris, a data presencium annis singulis dixit et confessus est perpetuo se teneri et