recepturus, quod iustitia suaderet. Set idem canonicus spiritum inobedientie et indeuotionis assumens, iuxta mandatum nostrum huiusmodi coram nobis comparere contumaciter non curauit, propter quod Idem canonicus prefatam excommunicationis sententiam dinoscitur incurrisse. Nos igitur uolentes super huiusmodi grauitate processus inquirere certitudinem ueritatis, ac super certis aliis grauibus et arduis negotiis, nostre legationis officium contingentibus, conferre cum eo: Discretioni tue, qua fungimur, auctoritate committimus, ac districte et expresse precipiendo mandamus, quod prefatum Nicolaum, quem in Concilio, pcr nos Posonij celebrato, excommunicatum publice nuntiasse et super premissis citasse meminimus, ut compareret personaliter et peremptorie certo termino coram nobis, ex parte nostra citare procures, vt infra quindecim dies post huiusmodi citacionem tuam, sub priuationis omnium benehciorum, que obtinet, etiam si personatus, uel dignitates existant, et inhabilitatis penis ad alia in posterum obtinenda, cum dictis litteris compareat personaliter et peremptorie coram nobis, suam exhibiturus presenciam in inquisitione predicta; Et nichilominus auditurus et efficaciter impleturus ea, que super dictis negotiis cum eo duxerimus ordinandum, seque super excessu predicto excusaturus, si poterit et alias mandatis nostris humiliter pariturus, ac facturus et recepturus, quod iustitia suadebit. Alioquin ad adgrauationem dicte sententie excommunicationis et inflictionem dictarum penarum et alias contra eum spiritualiter et temporaliter et in dicto Inquisitionis negotio, necnon ad sententiandum et pronuntiandum in ipso, prout iustum fuerit, procedemus, ipso ulterius non uocato. Non obstante consuetudine Regni Hungarie, per quam dicitur obseruari, quod nullus, ad Judicium euocatus, teneatur coram Judice, coram quo uocatus existit, nisi post lapsum certi temporis a die sibi assignati termini, in Judicio comparere. Diem autem huiusmodi citationis et formam et quiequid super premissis duxeris faciendum, nobis per tuas patentes litteras, remissis presentibus, studeas fideliter intimare. In cuius rei testimonium presentes litteras mandauimus sigilli nostri appensione muniri. Datum Posonij XI. kalendas Junij, Pontificatus domini Bonifacij pape VIII. Anno VIII.
Sigillum cum zona periit. Orig. in Arch. Cap. Scepus. priv. Scrin. 11. fasc. 1. Nr. 9. - In Concilio hic memorato, de cetero hucdum penitus ignoto, edita fuerit Constitutio, cuius mentio Nro. 537. occurit.
Első
