541.
1302. 18. Mart. - Capitulum Poson. comitem Jacobum de Jánok terram Szúnyogos Csandal Bodoni donasse perhibet.
A. B.
Vniuersis Xi. fidelibus, presentes litteras inspecturis, Capitulum Ecclesie poson. salutem in domino. ad uniuersorum noticiam uolumus tenore presencium peruenire, quod constitutis coram nobis Nobili uiro, Comite Jacobo, filio Johannis de Januk, ab una parte, Budo filio Stephani, ab altera; idem comes Jacobus est confessus, quod ipse quandam terram suam, quam a nobili uiro Irizlao, quondam curiali comite poson., emisset, Zunuguschondol uocatam, in palazocuz existentem, que quidem terra de Abraham filio Nicolai parui ad manus eiusdem comitis Irizlai, utpote Judici et ipsi comiti Jacobo, ut leso et passo iniuriam, fuit deuoluta, eodem iure, quo ipse possedit, prout in litteris nostris patentibus uidimus contineri, eidem Budo dictam terram propter meritoria seruicia, qua in retroactis temporibus dictus Budo adnunc (?) eidem comiti Jacobo fideliter inpendit, contulisset, donasset et dedisset in filios filiorum inreuocabiliter perpetuo iure possidendam. In cuius rei memoriam nostras concessimus litteras, nostro sigillo pendenti munimine roboratas. Datum in dominica Reminisscere, XV. kalendis aprilis, Anno domini M°. C°C°C°. secundo.
Sigillum e zona membr. pendet. Orig. evanidum in Arch. Cap. Poson. publ. Capsa 14. fasc. 17. Nr. 21. Aliud par ibidem Nr. 20.
542.
1302. 29. Apr. - Conventus Cruciferorum Strigon. Eeustachium possessionem suam Berencs viginti quinque marcis magistro Martino, filio Bogár, vendidisse testatur.
Frater Nicolaus magister et conuentus Cruciferorum Domus Hospitalis Ecclesie sancti Regis Stephani de Strigonio, Vniuersis xpi. fidelibus, presentes litteras inspecturis, salutem in domino sempiternam. Ad Vniuersorum noticiam, tam presencium, quam futurorum, harum serie volumus peruenire, Quod leustachius, filius Cothmani, nobilis de Berench, ab una; magister Martinus, filius Bugar, parte ex altera, coram nobis personaliter constituti; Idem Leustachius Dixit et oraculo viue uocis est conffessus, quod terram suam, seu possessionem hereditariam, Berench vocatam, ad duo aratra sufficientem, iuxta fluuium Nitrie ex utraque parte ih comitatu Nitriensi existentem et adiacentem,

---