Diueche in Comitatu Nitriensi Stephano de Divék vendere posset. - Datum Strigonii feria quinta proxima post quindenam s. Georgii Mart.
Fejér Cod. dipl. VI. I. 326.
357.
1294. 22. Julii. - Andreas III. consensum praebet, ut Nobiles de Tengurd in concambium turris et castelli, in capite insulae Beatae Mariae Virg. existentium, Lodomerio Archiepiscopo Strigon. possessionem Búcs tradere possint.
(A)ndreas, dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex, omnibus xpi. fidelibus, tam presentibus, quam futuris, presencium noticiam habituris, salutem in omnium saluatore. (Q)uociens in conuencionibus Regie maiestatis desideratur assensus, ne in dubium ueniant, que geruntur, presertim in rebus, a Regia maiestate donatis, eas debet sublimitatis Regie ratihabicio pro securitate parcium solidare. (P)roinde ad vniuersorum noticiam harum serie uolumus peruenire, Quod cum dilecti et fideles nostri magister Theodorus, prepositus albensis ecclesie, aule nostre viceCancellarius, et Capitulum loci eiusdem quandam Possessionem suam Bulchu vocatam, dudum eidem albensi ecclesie ex largicione Regalis munificencie traditam et collatam, nobilibus viris de Tengurd, Comiti scilicet Ladyzlao, filio comitis Nycolai, et Nicolao, filio Nicolay, fratri eiusdem comitis Ladizlai, et eorum heredibus, heredumque suorum successoribus, permutacionis titulo vna cum Bugud, Possessione eorum empticia, iuxta fluuium Saar, in Comitatu albensi, eidem albensi ecclesie quasi vicinaliter adherente, deliberacione prouida, iure perpetuo tradidissent, ipsam Possessionem Bugud cum omnibus vtilitatibus suis, Molendinis scilicet et locis Molendinorum, pratis, fenetis, locis Piscacionum, sev Piscinis et utilitatibus omnibus, prout in Priuilegio, exinde confecto, plenius continetur. (Q)uia tamen uersuti hostis astucia intestinis prelijs Regnum Hungarie a multis temporibus sic affecit, vt incole regionis ciusdem necesse habeant in tuicionem sue snbstancie, seu familie municiones et loca querere forciora; hac racione pensata prefati nobiles de Tengurd prenominatam villam Bulchu ultra Danubium, circa meatum eiusdem fluminis prope Strigonium, cum omnibus vtilitatibus suis dederunt, tradiderunt et contulerunt, nostre maiestatis requisito conniuencia et assensu, venerabili Patri domino Lodomerio, dei gracia sancte Strigon. ecclesie archiepiscopo et per eum archiepiscopatui, in concambium sev permutacionem Turris et Castelli, existencium In Capite Insule beafe virginis Marie iuxta veterem Budam, perpetuo possidenda, sollempni permutacionis contractu, de nostro beneplacito inuicem celebrato, sicut hinc inde confecta instrumenta plenius manifestant. Hoc tamen