exceptis, qui carnes bouinas uendunt, qui dimidium cutem boum, quos occiduut, soluunt.
Item si aliquis centum cutes emptas, siue in curru, seu nauigio, de Strigonio transferat, dat vnciam; tantundem datur de pellibus caprinis et ouinis.
Item de vna Masa cere, que continet ducentas viginti marcas in pondere, viginti frisatici dantur, siue quatuor pondera.
Item de centum Zoanis salium, de quocunque locorum quomodocunque Strigonium deferantur, unum sal datur.
Item si Carine de partibus inferioribus asscendant, continentes cutes boum, de centum cutibus soluitur vncia.
Item de singulis nauibus victualium de Soiaragdo[387], datur unus frisaticus.
Item mercatores, qui in loco fori sunt cum suis tentorijs, singuli soluunt in omni Sabbato unum frisaticum; similiter et Sutores de qualibet sessione Sabbato unum frisaticum.
Item de singulis curribus, transeuntibus cum suis mercimonijs ad confinium, soluitur iustum tributum; similiter et de magnis bobus, si pellantur extra forum, uel in curru ad confinium, de quolibet boue emptor dat duos frisaticos.
Item de curribus cum mercimonijs transeuntibus de Musinio[388], in Pest, uel de Pest in Musunium, qui non intrant ciuitatem Strigon., in villa Tat[389] integrum soluitur tributum.
Item uenditores uestium antiquorum, pilleorum, cirotecarum et cerdones, quolibet Sabbato dant unum frisaticum.
Item uenditor seruorum ef ancillarum, dat quadraginta denarios usuales.
De singulis honeribus Cumulonum[390], que Bytel uocantur, et de scemerce, soluitur unus frisaticus.
E Nro. 214.- Andreae R. transsumptum habetur Nro. 261. Ludovici autem Regis transsumptum a. 1357. in eodem Archivo Cap. Strig. priv. Lad. 25. fasc. 1. Nr. 14., transsumptum autem eiusdem Regis a. 1365. ibidem Nr. 15. - Fejér documentum hoc "originarie Emerici Regis" putat. Hoc equidem non; observari tamen meretur, illud in transsumpto Ladislai IV. (Vide Nrum. 214.) statim post diploma Emerici Regis de a. 1198. et ante privilegium Andreae II. de a. 1235. occurrere; processisse tamen illud a Ladislao IV. Rege, Ludovicus I. Rex in transsumpto suo expresse his verbis docet: "Ceterum prefatus dominus Ladislaus Rex omnia premissa - - litteris suis mediantibus priuilegialibus, sub anno domini

[387] In transsumpto Andreae a. 1290.: Smaragdo. In transsumpto autem a. 1357. Snaragdo.

[388] In transsumpto a. 1365.: Mosonio.

[389] In transsumpto a. 1357.; Taath.

[390] In transsumpto a. 1357.: Cumulorum.