sine causacione qualibet soluitur marca una, uerum omnes predicti Cysrenenses de ligatura uel balla vna, quotcumque contineat pecias, et si centum, nituntur quadam presumpcione ebete (sic) singulari soluere tantummodo pondus unum, dum suas sarcinas siue Ballas pannorum talium apud ciuitatem Strigonij non disligant, nec resoluunt; quoniam disligantes easdem apud Strigonium similiter alijs mercatoribus, de eisdem pannis coloratis soluere telonium nil causantur, quin ymmo de omnibus rebus alijs, quas et ipsi deferunt Cysrenenses, soluunt una cum alijs tam de sindone, quam pannis griseis, seu fustanicis, uel pinulatis, et omnibus prorsus eorum rebus incunctanter et mercimonijs alijs par uectigal; quamobrem cum Regum et mundi principum, quorum est priuilegia concedere, condere seu largiri, ad eosdem eciam prius concessorum priuilegiorum pertineat interpretari ambigua, decidere dubia seu nodosa: Nos, cum nostrorum consultissima deliberacione baronum, procerum et penatum[374], decernimus sentenciali decisione Regia, in perpetuum optentura, quod siue mercatores de Pest, uel de Buda, illisue partibus conuicinis, uersus Jaurinum transeuntes, ingrediantur ciuitatem Strigonij, nec ne, transeantve per Durug, uel per Banhida, quod certo cercius fieri semper presummimus dicti uectigalis in fraudem, sancte Strigon. ecclesie tributum debitum seu limitatum, ac si ipsam transirent Strigoniensem per mediam ciuitatem, soluere integre, eciam apud Jaurinum modis omnibus soluere teneantur, sicque fraudare conantes dictum tamen tributum uel telonium nec euadant, ymmo reuera pena propter hoc legitima, sicuti qui non soluto uectigali transierint, puniantur. Volumus similiter tributarium sancte Strigoniensis ecclesie locum suum et mansionem habere in telonio Jauriensi. In secundo uero dubitacionis articulo, consimili nostrorum tutissima interpretacione baronum, ac regni nostri nobilium optimatum, in exsolucione tributi, sancte Strigon. ecclesie debiti, cum racio dissimilitudinis nulla subsit, parificamus per omnia mercatores Australes, Viennenses, Ratisponenses, Bauaros omnes, Saxones, Boemos, Polonos et omnes breuiter citrarenenses, in predicta solucione tributi de pannis eciam coloratis, regie liberalitatis de munificencia speciali; redintegrantes, siue suplentes uberiorem ad cautelam, seu de nouo eciam concedentes, et ex nostra certa sciencia largientes, si quod forte deesset iuri ipsorum telonij seu tributi, modo per omnia, uel scemate (sic) supradictis, omnium nostrorum baronum de consilio et consensu, ac approbacione rata, firma, ac inuiolata interpretacione, seu concessione presenti perpetuo permansura. Ne autem uarietate et longinquitate temporum premisse rei series, nostreque concessionis et declaracionis effectus valeat aliquatenus immutari; cum priuilegia regum et principum presertum

[374] Vox haec in diplomatibus nostris inusitata, ac tota diplomatis huius contorta compositio, Cancellarium, vel qui illud composuit, exterum fuisse, qui stylo nostro curiali nondum assuevit, arguit.