172.
1285. 1. Jan. - Ladislaus IV. Comites plurium Comitatuum a iudicatu et molestatione populorum Abbatiae S. Benedicti inhibet.
Ladislaus, dei gracia Rex Vngariae, fidelibus suis Borsiensi, Nytriensi, de kamarun, de Pylis, de Zolum et Chengradiensi Comitibus, pro tempore constitutis, salutem et graciam plenam. Cum dominus Bela auus et Stephanus pater noster karissimi, illustres Reges Vngariae, clare recordacionum, sicut in priuilegijs eorumdem vidimus contineri, vniuersos populos monasterij sancti Benedicti de Goron a cuiuslibet parochialis iudicis iudicio exemerint, et nos ipsos populos in eadem libertate velimus conseruare, pietale Regia condescendetes eisdem; fidelitati vestre damus firmiter in mandatis, quatenus populos predicti monasterij in nullo casu debeatis iudicare, seu eciam in aliquo molestare; quia nos eosdem populos proteccioni Thome, filii andree Comitis, duximus committendos; volentes, vt si qui aliquid accionis habuerint contra populos sepedictos, in nostri praesencia experiantur cum eisdem, iuris ordine obseruato, uel coram Judice Curie nostre. Datum Bude in octauis Natiuitatis domini, anno eiusdem M°. CC°. LXXX°. Quinto.
Sig. cum zona avulsum. Orig. in Arch. Cap. Strig. priv. Lad. 40. fasc. 1. Nro. 17. - Extr. Fejér Cod. dipl. V. III. 314. - Ed. Cod. Strig. II. 149. et Wenzel Cod. Arp. IX. 426.
173.
1285. 4. Mart. - Conventus Cruciferorum Strigon. transsumit Nrum. 157.
Nos frater Dominicus, magister domus hospitalis sancti Regis Stephani de Strigonio et totus Conuentus eiusdem, Significamus, quibus expedit, litterarum presencium noticiam habituris, Quod Stephanus, filius Fulkus, Jacobus, filius Symeonis, Petrus filius Botyz, et Moyus, filius Wogus, de villa Pooch, ad presenciam nostram accedentes, patentes litteras domini Regis super exempcione, seu translacione libertatis sue confectas, nobis exhibuerunt, in hec uerba:
Sequitur Nrus. 157.
Nos autem ad peticionem et instanciam eiusdem Comitis Stephani et cognatorum suorum predictorum, publice referencium, quod easdem litteras propter malam condicionem temporis inpacati et viarum discrimina, insultusque inimicorum suorum formidarent secum portare, de uerbo ad uerbum, sine adimento et diminucione, presentibus inseri fecimus et transferri, quemadmodum est premissum, et ut eis adhiberi valeat plena fides, sigillum nostrum
Első
