eorundem heredes in perpetuum tenebuntur; predicto venerabili patre illud idem super suis possessionibus, datis in concambium, sollempniter promittente vice uersa; renuncians predictus magister Thomas, nomine suo et fratris sui, omnibus iuribus, racionibus, priuilegijs, documentis[363], quibuslibet excepcionibus, appellacionibus, specialiter excepcioni pecunie non numerate et omni legum et canonum auxilio, quibus ipsi, uel ipsorum heredes in posterum aliquo iuris colore crederent se iuuare; et presertim, quod non dicent se deceptos in parte, (uel) in toto, uel eciam ultra dimidiam iusti precij, et quod beneficio speciali restitucionis in integrum, uel iuris communis cuiuscunque non vtentur in iudicijs, uel extra iudicium ullo casu. In cuius rei testimonium presentes concessimus litteras, Sigilli nostri munimine roboratas. Datum anno domini M°. CC°. LXXX°. tercio, inDicione vndecima.
Sig. e rubro serico pendebat. Orig. in Arch. Cap. Strig. priv. Lad. 49. fasc. 1. Nr. 7. - Ed. Cod. Eccl. Strig. II. 140. et Wenzel Cod. Arp. IX. 368.
153.
1283. - Capitulum Budense Nrum. 152. transscribit.
A. B. C.
Capitulum Budensis ecclesie omnibus xpti. fidelibus, presencium noticiam habituris, In actore salutis salutem. Vniuersorum, tam presencium, quam futurorum noticie harum insinuacione litterarum declaramus, Quod comes Mauricius, officialis wenerabilis patris, domini Lodomerij, sancte Strigon. ecclesie archiepiscopi, vice, nomine et mandato eiusdem, cum litteris ipsius domini sui, nobis directis, inter alia continentibus, ne prolixitas fastigium generaret, ut super facto Concambij terrarum archiepiscopatus Strigon. Loucha et Proztolnuk uocatarum de Susol, cum terris comitis Thome filij Petri de genere Bancha, nepotis domini Stephani Cardinalis, Furnod uocatis, partim in Strigon. et partim in Bursyensi comitatibus constitutis, nostrum priuilegium cum nostro autentico sigillo daremus eidem, ad nostram accedens presenciam, exhibuit et os(tend)it nobis tenorem, seu scriptum, super ipso concambio seu commutacione habitum, cum uero et integro sigillo domus Hospitalis sancti Regis Stephani de Strigonio sigillatum, sub hac forma: Quod nobilis vir comes Thomas, filius Petri de genere Bancha - - - cet. ut Nro. 152. usque verba epilogi: In cuius rei testimonium.
[363] In transsumpto Capituli Budensis (Vide Nrum. 153.) additur: et munimentis.
Első
