praedictus Episcopus nolens ad carnem et sanguinem habere respectum, Timotheum Archidiaconum de Zala in ecclesia Vesprimiensi et Canonicum Zagrabiensem praedictae ecclesiae in episcopum praefecit, ab Urbano PP. IV. postmodum confirmatum. - Datum apud Urbem veterem VIII. kal. Oct., P. a. 3.
Theiner Mon. Hung. I. 245., Wenzel 1. c. III. 44.
633.
1263. 1. Oct. - Urbanus PP. IV. omnibus Praelatis et clericis demandat, quatenus Archiepiscopum Strigon., virum utique probatae fidei et examinatae virtutis, cui negotium terrae sanctae in Regno Ungarie specialiter commisit, in eundo, morando et redeundo suscipientes honore condigno, ei extra suam Civitatem et dioecesim personaliter in praedicto negotio laboranti, pro se sexdecim equitaturis et vigintiquinque personis in necessariis, necnon in securo conductu providere curent liberaliter et decenter, ita, ut idem, quem Papa suae probitatis exigentibus meritis carum habet multipliciter et aeceptum, cum ad praesentiam suam redierit, laudabile possit eorum promptitudini testimonium perhibere. - - Datum apud Urbem veterem kal. oct., P. a. 3.
Theiner Mon. Hung. I. 246., Wenzel 1. c. III. 47.
634.
1263. 3. Oct. - Urbanus PP. IV. Archiepiscopo Strigon. negotium terrae sanctae in Hungaria committit.
Urbanus - - Archiepiscopo Strigon. - - Cum nos centesimam omnium ecclesiasticorum proventuum regni Ungarie usque ad quinquennium eidem
terre (sancte) - - duxerimus concedendam, - - mandamus, quatenus huiusmodi centesimam annuatim, usque ad predictum quinquennium, per te vel per alium seu alios integre colligens, - - nuntiis eiusdem terre - - assignare procures. - - Omnes autem de regno predicto clericos et laicos, cuiuscumque conditionis - - existant, qui olim - - crucis signaculum assumpserunt, et motu proprio deposuerunt assumptum, voto huiusmodi minime adimpleto, ut illud cum devotione resumant, illos etiam, qui assumptum non deposuerunt et qui ipsum assument deinceps, ut se sic studeant preparare, quod personaliter se conferant in succursum terre predicte et quod interim huiusmodi crucis signaculum deferant, moneas efficaciter, et inducas eos ad redimendum

---