90.
1162. - Stephanus III. Rex Farkasii bellica servitia „coram quibusdam
Primatibus mihi assistentibus, videlicet Luca Strigon. archiepiscopo - -” remuneratur.
Fejér Cod. dipl. II. 164.
91.
1162. - Lucas Bánffy Archiepiscopus Strigon. Stephanum IV. Regem ob usurpatam coronam excommunicat.
Lucas Strigoniensis Archiepiscopus excommunicaverat et periculum ei certissime futurum praedixerat, eo, quod sese illegitime fecerat coronari.
Chron. sec. XV. ap. Kovachich Scriptores Minores I. 5. (secundario.)
92.
1163. ante 14. Jan. - Stephanus IV. Rex privilegium pro parte Ecclesiae Zagrabiensis super terra et sylva Dumbró edit, praesentibus Michone Bachiensi Archiepiscopo, Machario Quinqueecclesiensi, Nicolao Varadiensi Episcopis, Stephano Csanadiensi Electo, Belo Bano huius causae iudice, Thoma Palatino, Broccha Curiali Comite, Boricio Bano, Adriano Comite, Henrico Bodrugiensi, Eusa Chanadiensi Comitibus, ac Hugone Notario et „Thoma Magistro Capellae Strigonii hoc privilegium factum est.”
Kercselich Hist. Eccl. Zagrab. 76., Farlati Illyr. S. V. 353., Katona Hist. Crit. IV. 42., Fejér Cod. dipl. II. 165. Tkalcic Mon. Episc. Zagr. I. 2. - Quia hic Rex annum regni sui primum vocat, dari diploma hoc debuit ante 14. Jan., quo nempe die anni superioris regnum auspicatus est. V. Katona ib. 46. - Lucas Archiepiscopus Strigonio tunc abfuerit. - Katona haec observat: „Thomas magister capellae Strigonii, non sic id accipiendum censeo, quasi privilegium illud Strigonii fuisset factum, quum Stephanus IV. tam procul in Hungariam tunc penetrasse non videatur; sed quod ille Thomas Capellae, Strigonii sitae, magister fuerit” (L. c. 91.) sed quomodo tunc ceu privatae cuiusdam capellae rector diplomati subscribi potuisset? Fuit sane ille Rector Capellae Regiae, ac qua talis, vi officii, Notarius aut vicecancellarius Regius.
93.
1165. - Stephanus III. Rex Castrenses Posonienses de familia Nyék libertate nobilitari „presentia meorum nobilium, Lucae Archiepiscopi - -” ornat.
Bél Not. Hung. III. 545. - Katona Hist. Crit. IV. 141. - Fejér II. 173.

---