Nycolaus et Petk, filii Benedicti de eadem, ab altera; idem Emiricus est confessus oraculo vive vocis: quod ipse racione necessitatis sue, quendam fundum curie in eadem Villa Boch existentem, ipsum hereditarie contingentem, cum terris arabilibus seu agris, ac cum omnibus utilitatibus suis, quas habere dinoscitur, eisdem Nycolao et Petk, et per eos suis heredibus, heredumque suorum successoribus, cum permissione et bona voluntate omnium vicinorum et cognatorum suorum, pro quinque marcis denariorum Wiennensium, quaralibet marcam cum singulis decem pensis computando, plene ab eisdem receptis vendidisset, dedisset et tradisset, iure perpetuo irrevocabiliter possidenda, habenda et tenenda. In cuis rei testimonium presentes concessimus litteras, sigilli nostri munimine roboratas. Datum, in octavis beati Laurencii martiris, anno Domini millesimo CCC vigesimo primo.
Sigillum e rúbro serico pendet. – Orig. membr., visu maculatum, in Arch. Cap. Coll. Poson. Publ. Capsa 14. fasc. 2. nr. 17.

7.
1321. (Szepeshely.) 22. Sept. – Monasterium Lapidis Refugii, ord. Carthusien., filios quondam comitis Bogomerii de Liptovia, nomine confratris sui Dionisii, contenti de possessione Schönau, liberos penitus et solutos dimisit.
Nos Capitulum ecclesie beati Martini de Scepus, memorie commendantes significamus universis, quibus expedit, presencium per tenorem: quod constitutis coram nobis personaliter viris religiosis, fratre Martino priore Lapidis Refugii in Scepus, et fratre Johanne ordinis Karthusiensis, pro se et toto conventu ipsorum, ex parte una, comite Bodou, nec non magistro Nycolao, ac magistro Laurencio, lectore ecclesie nostre, et Bogou, filiis quondam comitis Bogomerii de Liptovia ex altera; iidem fratres Martinus et Johannes, ordinis Karthusiensis, prefatos filios comitis Bogomerii, tam pro porcione ex paterna successione fratri Dyonisio, germano eorum cedente, nunc in Lapide Refugii in ordine Karthusiensi domino famulanti, quam pro testamento Johannis fratris ipsorum, felicis memorie, contenti de possessione Schonaw nuncupata, ipsis secundum tenorem nostri privilegii collata, in nostri dimiserunt presencia liberos penitus et solutos. Cuius rei gracia presentes, sub sigilli nostri testimonio, duximus concedendas. Datum, in festo beati Mauricii et sociorum eius, anno Domini M-o CCC-o vicesimo primo.
Sigillum margini exter. fuit appressum. – Orig. membr. in Arch. Mus. Nation. Bpest. Arch. Fam. Szentivány.

8.
1321. (Szepeshely.) 22. Sept. – Capitulum Scepusien., filios Bogomerii de Liptovia, villam suam Sunava (Schönau) nuncupatam, monasterio fratrum Carthus. de Lapide Refugii, ob remedium animarum suarum, donasse testatur.
Capitulum Beati Martini in Scepus, omnibus Christi fidelibus praesentibus et futuris, quibus praesentes ostenduntur, salutem in Domino sempiternam. Cum labilis sit hominum memoria et res temporaliter gestae facile vacillent, nisi litterali testimonio fulciantur, proinde ad universorum notitiam tenore praesentium volumus praevenire (sic); quod constitutis coram Nobis Comite Bodo, nec non Magistro Nicolao et Magistro Laurentio lectore Ecclesiae nostrae M[ari]ae (!) et Bogo fratribus, filiis quondam Bugumerii, felicis memoriae, de Lyptovia ex parte una, et viris religiosis fratre Martino et fratre Joanne, ordinis Chartusiapi

---