Strigoniensis certo cercius informati, predictam possessionem Nyrmal, ad nostram pertinere collacionem recognoscentes, revocantesque in memoriam fidelitatum obsequiosis meritis eiusdem magistri Stephani, quibus idem a toto eo tempore, quo ad serenissimum culmen regiminis Hungarici, volente Domino, accessimus gubernandum, nobiscum hoc regnum intrando, in legacionibus nostris novem vicibus ad partes ultramarinas destinatus, quo fideliter eo sollerter, nostra ibidem negocia promovenda et fidelitates commendabilem prerogativam ipsius consortibus sorciendo, nostre maiestati studuit complacere et se reddere graciosum, adeo, ut noster regius animus in ipsius serviciis, que prolixa ad narrandum et presentibus inseri foret tedyccosum, mitissime conquievit, volentes pro tot et tantis serviciis eiusdem magistri Stephani, regio eidem occurrere cum favore, prefatam possessionem Nyrmal, sub metis et terminis prescriptis, cum omni plenitudine sui iuris dedimus, donavimus et contulimus, eidem magistro Stephano et per eum suis heredibus, heredumque suorum successoribus, iure perpetuo et irrevocabiliter possidendam, tenendam et habendam. In cuius rei memoriam, perpetuamque firmitatem presentes concessimus litteras nostras privilegiales, novi et autentici sigilli nostri dupplicis munimine roboratas. Datum, per manus discreti viri magistri Andre, (sic!) prepositi Albensis ecclesie, aule nostre vicecancellarii, dilecti et fidelis nostri,[73] anno Domini M-o CCC-o vicesimo sexto, tercio Kalendas Septembris, regni autem nostri anno similiter XX-o sexto. Venerabilibus in Christo patribus dominis: Bolezlao Strigoniensi et fratre Ladislao Colocensi archiepiscopis; Johanne Nytriensi, Georgio Syrmiensi, fratre Petro Boznensi, Iwanka Waradiensi, Benedicto Chanadiensi, Ladislao Quinqueecclesiensi, Herrico Wezprimiensi, Nicolao Jauriensi, Chanadino Agriensi et Andrea Transiluano episcopis, ecclesias Dei feliciter gubernantibus. Magnificis viris Philippo palatino, comite de Scepus et de Wywar; Demetrio magistro tawarnicorum nostrorum, comite Bachiensi et Trinchiniensi; Alexandro iudice curie nostre; Thoma woywoda Transiluano et comite de Zonuk; Johanne filio Bobonyk magistro tawarnicorum domine regine, consortis nostre karissime; Mykch bano tocius Sclauonie, comite de Symigio et de Sarus: Paulo bano de Machou, comite Syrmiensi, de Wolkou et de Budrugh; Dyonisio magistro dapiferorum nostrorum et Nicolao comite Posoniensi, aliisque quam pluribus, regni nostri comitatus tenentibus et honores.
Extus manu medii aevi: Super possessione Nyr, per defectum seminis collata Stephano dicto Saphar, per regiam maiestatem. – Sigillum detritum et mtitilum e flavo, rubro et viridi serico pendet – Orig. membr., in Arch. Cap. Strigon. Priv. Lad. 29. fasc. 1. nr. 6.

147.
1326. Szepeshely. 12. Sept. – Boleslaus, archiepiscopus Strigon., Joanni praeposito Scepusiensi indulgentias, intra ambitum prepositurae suae, elargiendi facultatem concedit.
[B]olezlaus, Dei et apostolica gracia archiepiscopus Strigoniensis, locique eiusdem comes perpetuus, universis Christi fidelibus, ac orthodoxe fidei cultoribus, presens scriptum inspecturis, recommendacionem in Domino sempiternam. Cordi nostro vhemeter (sic!) insidet et regiminis susscepti cura nos edocet ad ea, que Deo placita sunt et suis sanctis gratuita, pleno et impigro vigilare affectu,

[73] 1326. 30. Aug.